Wp/khw/صلاح الدین صالح
| Salah Uddin Saleh صلاح الدین صالح | |
|---|---|
| آژیک |
4 April 1964  پاکستان |
| ادبی نام | صالح |
| پیشہ | ماہر تعلیم، شاعر، مصنف، مترجم اوچے ادیب |
| ملک |
پاکستان |
| قومیت | چترالی |
| شہریت |
پاکستانی |
| تعلیم | ایم اے مطالعہء پاکستان |
| یونیورسٹی | پشاور یونیورسٹی |
| سال | 1984 |
| اصناف | کھوار شاعری |
| مضمون | کھوار ادب |
| نویوکو کوروم | کھوار مزاحیہ نگاری |
| ایوارڈ و اعزازات | 3 |
| آژیلی | 4 |
| Website | |
| صلاح الدین صالح | |
صلاح الدین پورا نام صالح تخلص4 اپریل 1964عسویا اویرو پرپیش نامی دیہا شاغوٹئےقامہ چرویلو سراج الدینو خاندانہ اَژی اَسور ۔ھنیسے دنینو گژاندیہہ حال بویان۔
سبق[edit | edit source]
چھیتراروہائی سکولہ جوشو پاس کوریکار اَچی پُھک مُدا صوبہ سرحد و مشہور تعلیمی ادارہ اسلامیہ کالج پشاؤرا دی سبق رے اسور ۔ جوش چھور جماعت سبق ریکار اَچی بی ایڈ کوری تدریسو پیشو سُم وابستہ اَسور ۔ ہورو تان پبلک سکول شیر ۔ ہیغار علاوہ ای غیر سرکاری ادارہ دی کوروم کویان۔
شاعری[edit | edit source]
1982عیسویا شاعری شروغ کاردو بیرائے واھےسلسلا ڈاکٹر عنایت اللہ فیضی صاحبو سار فیض حاصل کاردو بیرائے۔شاعریا امینُ الرحماں چغتائی صاحبو سار متاثر بیرائے۔ اردوؤ مشہور ادیب قدرت اللہ شہاب ہورو خوش نیوشک بیرائے ۔ دسمبر 1982اویلو مکالہ مشاعرہ شرکت کاردو بیرائے وَھے زماناری انجمن ترقی کھوارو سوم وابستگی شیر۔"چشمِ زخم " حوالو سورا بزم کھوارو سوم دی تعلق شیر۔
وابستگی[edit | edit source]
ہورو نیویشرو کلام او چے مضمون رسالہ بزمِ کھوارا اوچے مختلف اخبارین شائع باؤ شینی ۔ اسلام ابادار شائع باک مئوقر رسالہ " پاکستان ابزرور و " سُم بحیثیت ضلعی نمائندہ تروئی سالہ پت کوروم کوری اسور ۔ ریڈیو پاکستان پشاؤرا دی بو مُدا بحیثیت کمپیئر کوروم کوری اسو ر۔ چھیترارا ریڈیو اسٹیشن کھولاؤ بیکار اَچی بطور کمپیئر کھوارپرگرامو سُم دی وابستہ اَسور ۔ چھیترارو معروف علمی میلس "انوازو"تصورو جاوید حیات صائبو سُم بیتی ڈاکٹر عنایت اللہ فیضی صائبو تے دیتی ھتے میلس ولی الرحمان ایڈوکیٹ مرحومو سرپرستیا ساؤز بیرو بیرائے۔ھتے میلسو دعوت اوچے انتظامو سورا چھیترارو سُم تعلق لاکھک مختلف ہنرا اوچے کھسپہ ماہررویان چاکئے لیکچر دیکو ای سلسلو شروع کوری اسیتانی ۔ ھے میلسو سرگرمیان سلسلا دی صالح بو سرگرم اوشوۓ۔2001 عیسویا ولی الرحمان صائبو بے خبریا حقوتے توریکار اچی ھتے سف لیکچران ای ژاغہ جمع کوری ولی الرحمان مرحومو یادا "انواز"نامو سوراکتابی شکلہ چاپ کوریکاشَک ملگیریان سار علاوہ صالح صائبو دی قابل قدر حصہ شیر ۔ کمپیئر حیثیتہ دی صالح صائب بو مقبول فنکارانن مثلاً بابا فتح الدین، شجاع الحق،منصور شبابو سُم پروگرامین ڈائیلاگ دی کوراؤ اسور۔ھاتیتان دی کار کوراک بو خوشینیان۔ اسپہ "بزمِ کھوارو پروگرامین دی کمپیئرنگ کوراؤ اسور ھیہ چشمِ زخمہ دی ہورو ای کمہ منتخب غزالان اوچے نظمان شامل کوری اسوسی۔