Jump to content

Wp/khw/اقرارالدین خسرو غزل-۱

From Wikimedia Incubator
< Wp‎ | khw
Wp > khw > اقرارالدین خسرو غزل-۱

غزل کھیو کومان عشقہ بسر زندگیو

سراپا غم مقدر زندگیو۔۔۔

تہ ہجرو چھوئی متے لہازو چھوئی

وصلو انوس مختصر زندگیو۔۔۔

تہ جداگیو ساعت تیر تھے بونیان

مگم گران یہ سفر زندگیو۔۔۔

اُوغو پھینان سورا محل مہ ساوز

نکی دربتو خبر زندگیو۔۔

بیلی حیاتو دی حسابہ نو ھات

ہونی مہ آہ بے اثر زندگیو۔۔

کیہ دی منزلی تہ تاریر مخلصی

لازم محنت دی مگر زندگیو۔۔

کورے شومو سوم دی شئیلی سلوک

سبق ھیہ مختصر زندگیو۔۔۔

خُورو حاجتہ کہ ھاو تھے تو اشرف

تیرینی بہہ نا بتھر زندگیو۔۔۔

آخر اقرار کوریلی ہوئے وا مہ دی

نو ہوئے تیرین بے ضرر زندگیو۔۔۔


اقرار الدین خسروّ