Wp/khw/اسدالرحمٰن

From Wikimedia Incubator
< Wp‎ | khwWp > khw > اسدالرحمٰن
Jump to navigation Jump to search
اسدالرحمٰن
آژیک (1963-01-15) 15 January 1963 (age 57)
کوشٹ، موڑکھو،تحصیل مستوج، ضلع چترال، پاکستانپاکستان
پیشہ ماہر تعلیم، لکھاری، شاعر
ملک پاکستانپاکستان
قومیت چترالی
شہریت پاکستانپاکستانی
تعلیم MA EPM,MEd
یونیورسٹی جامعہ پشاور
سال 1985
اصناف تحقیق،درس و تدریس
مضمون تعلیم
Website
اسدالرحمٰن

اسدالرحمٰن(English:Asadur Rahman) کھوار شاعر، ادیب، کالم نویس، ماہر تعلیم وا ای پرخلوص ادبی کوروم غار آسور۔ ھو تعلق پاکستانو صوبہ خیبر پختونخو ضلع چترالو تحصیل مستوچو کوشٹو سوم شیر-

سوانحی خاکہ[edit]

وا ھیس 15 جنوری 1963 کوشٹہ آژیتائے۔ تعلق محمدبیگے قومو سو لاکھویان۔ابتدائی تعلیم میٹرکہ پت ہائی سکول کوشٹہ حاصل کوریکار اچی سن انیس سو اُناسی چترالو ڈگری کالجہ داخلہ گنی جو سال سبق رے نیسیرو برائے مگر جوش جوؤ امتحانو انیس سو ستاسی پرائیویٹ پاسکاردو برائے انیس سو چیاسی عسویاایجوکیشنو محکمہ پرائمری سکول ٹیچر حیثیتہ کیرئرو شروع کاردو برائے۔انیس سو نواسی جوش چھور،انیس سو بانوے سی۔ ٹی،انیس سو چورانوے ایم ۔اے،انیس سو چھیانوے بی ۔ ایڈ ،انیس سو اٹھانوے ،ایم۔ اے، ای۔ پی ۔ایم ( ماسٹر ان ایجوکیشنل پلانیگ اینڈ منیجمنٹ)سن دو ہزاری ایم۔ ایڈ کاردو برائے۔وا کمپیوٹرو چھوئے چھوئے مسو جو کورسان دی ہے دورانیہ مکمل کاردو برائے۔

بحیثیت میشٹیر[edit]

جوش ای سال پرائمری سکول ٹیچر بہچی کار اچی سن اینس سو ستانوے سی۔ ٹی پوسٹہ پرموشن گنیرو برائے۔ہے موژی گورنمنٹ ہائیر سکینڈری سکول دروسا واہائی سکول کوشٹہ سوت سال بہچیکار اچی یکم جنوری دوہزار چار عیسویا گورنمنٹ ایجوکیشن او چے آغاخان ایجوکیشن سروسو موژی ای معاہدو تحتا اے۔ کے۔ ای ۔ایس و سوم یورپین کمیشنو ای پراجکٹہ(ناردرن پاکستان ایجوکیشنل پروگرام) بطور ٹیچر ایجوکیٹرکوروم شروع کاردو برائے۔جو سالہ پت ٹیچرٹرینیگ آ بہچی کار اچی ہے پراجکٹو موژی تان ہس ٖفیلڈ ایجوکیشن آفس بونی ریجنو ہیڈ حیثیتہ جو سال وا ہیغار اچی اکیڈمک ڈیویلپمنٹ کوآرڈینیٹر حیثیتہ دی تروئے سال کوروم کاردو برائے۔ اے۔ کے۔ ای۔ ایس و سوم سوت سال وابستگیو موژی ہو تے ٹیچر ٹریننگ،تعلیم الغان، ٹیچر سلیکشن،ملٹی گریڈ ٹیچنگ، ٹیچر اپریزل،کمیونیٹی ڈیویلپمنٹ،پیپر ڈیویلپمنٹ ،سکول ڈیویلپمنٹ وا کیرئر کونسلنگو شعبہ تجربہ حاصل کوریکو مواقع گیرو برانی۔دسمبر دوہزار دس آغاخان ایجوکیشن سروس اراچی تن پروشٹو محکممو تے گیتی دی پارٹ ٹائم وا وزٹنگ حسابہ مختلف حکومتی وا غیر سرکاری اداران سوم دی کوروم کوراؤ گویان۔آفاق پاکستانو سوم ماسٹر ٹرینر اسور۔وا کیرئر کونسلیگو سائکومیٹرک ٹسٹان کورئکا دی شامل اسور۔

فلاحی کوروم[edit]

کوشٹو لوکل سپورٹ ارگینائزیشن HARSO سوم کیرئر ایڈوئزر حیثیتہ جوش ہائی سکولن کیرئر آگاہی پروگرامان کوری اسور۔وا ہیرہ جوش پونج شور طالب علم شریک بیتی اسونی۔علامہ اقبال اوپن یونیورسٹیو ورکشابن دی ریسورس پرسن حیثیتہ دی کوروم کویان۔ اکسفورڈ ا کالج آف یجوکیشن بونیبہ دی جو سال بی۔ ایڈو ای مضمونو لیکچرو زمہ داری شیرانی۔بوغدو تروئے سالار یئری شہید بے نظیر بھٹو یونیورسٹیو بونی کمپسو ڈیپارٹمنٹ آف ایجوکیشنہ بطور وزٹنگ فکلٹٰی جوؤ شفٹہ کوروم کویان ، ہمونیہ پت ہورو نگرانیہ ایم ۔ایڈو جُو وا بی ۔ایڈو ای سیشن فارغ بیتی اسونی۔ ہو بی ۔ایڈکلاسو جو طالبا ت ہیہ سال((2015 امتیازی پوزیشن دی گنی اسونی ۔( یونیورسٹیہ فرسٹ وتھرڈ) فی الوقت ہیس گورنمنٹ ہائی سکول بونیا سینئر ۔سی ۔ٹی ٹیچر حیثیتہ تن فرائضان انجام دیکو موژی اسور۔

نویوکو کوروم[edit]

ہمی پیشہ ورانہ زمہ داریان سار علاوہ ہیس خور سماجی و ادبی وتعلیمی پروگرامن دی حصہ گناؤ گیتی اسور۔آل ٹیچرز ایسوسی ایشن تحصیل موڑکہوؤ صدر ،تنظیم اساتذہ پاکستان تحصیل موڑکہو و تورکہوؤ دی صدربہچی اسور۔پرائمری ٹیچر اسوسی ایشن چترالو بانی چیف آرگنائزروصوبائی سنیئر نائب صدردی بہچی اسور۔عندلیب ویلفئر سوسائٹیو کوشٹوجوائنٹ وجنرل سیکریٹری،کوشٹ کلسٹر ارگنائزیشنو منیجر،ایل ایس او(HARSO) چیئر من حیثیتہ کوروم کوری اسور۔ حرا نشنل ایجوکیشن فاؤنڈیشن و سو دی وابستگی بہچی شیروا اسلامی نظامت تعلیمو سوم دی زونل ڈائرکٹر بہچی اسور۔

ادبی سفر[edit]

ادبی شعبہ بو کم وقت کہوار شاعری دی کاردو برائے۔علامہ اقبالو شاعر وا ماہر تعلیم حیثیتہ بو خوشیاک برائے۔ وا کم کم رپورٹ وا مضامین مختلف مقامی وا قومی اخباراتن تے انزیاؤ اسور ہے موژی ہندوکش، شندور، ہمقدم چے مشرق اخبارا چھاپ بیرو خبر رپورٹ و مضامین شامل شینی۔وا سن دوہزار بارہ اچی چترال ٹائمز ڈاٹ کام و تے اردوا تعلیمی مضامین نیویشیکو ای سست رفتار سلسلو شروع کوری اسور ہمونیہ پت ہو جوش پونج مضامین شائع بیتی شینی۔ہیغار علاوہ پنجاب یونیورسٹی،علامہ اقبال اوپن یونیورسٹی،انٹر نشنل اسلامی یونیورسٹی ،آغاخان یونیورسٹی وا شہید بینظیر بھٹو یونیورسٹیہ مختلف موضوعاتن سورا باک تعلیمی کانفرنس،سیمینار وا ورکشابن دی حصہ گنی اسک برائے۔تعلیمو میدانہ ہس پرائمری ار گنی ماسٹر سطحہ پت ( پی ۔ٹی ۔سی تا ایم ۔ایڈ، ای ۔پی ۔ایم )پوراپروفشنل ڈگریان دی گنی اسور واہش تن چقہ ای ۔سی۔ ڈی ار گنی ایم ایڈ ا پت ٹیچنگ و تجربہ دی حاصل کوری اسور۔ ہیغار علاوہ پاکستانو امختلف ژاغو مختلف سکول سسٹم ان مشاہدہ کوریکو مواقع دی ہوت حاصل بیتی شینی۔گلگت ،چترال، راولپنڈی،اسلام آباد وا کراچیو اندرینی گورنمنٹ و این جی اوز ان و کمیونٹی بیسڈوا پرائیویٹ سکولان سسٹمو ہے ژاغین بی لوڑی اسور۔ اے۔ بی۔ ای۔ ایس راولپنڈی اوچے کراچیو بک گروپ نامین ادارین دی تربیت حاصل کوری اسور۔تعلیمو شعبہ ہیہ بو رنگا رنگ تجربات حاصل کوری اسور۔وا مستقبلا دی ہیہ شعبہ تان بہچی کوروم کوریکو جذبہ لاکھویان۔وا گیاک زمانو تے تان تعلیمی مضمونان کتابی شکل دیکار علاوہ چھترارو نامہ ای تعلیمی ویب سائڈ دی ساؤزئیکوارادہ ظاہر کویان۔