Wp/khw/آشور ژان

اشور ژان یا آشرو ژان (English: Ashur Jan/ Ashur Zhan/ Ashru Zhan) کھوار زبانو ای لوگ گیتو ۔۔ لوک بشاونو نام۔ ہیہ لوگ گیت صرفی چھترارہ تان نو بلکہ سفی گلت بلتستانہ بالعموم وا ضلع غذرو کھوارا بالخصوص ہش کورونو بویان۔  کھوارو قدیم زمانو شاعران وا ہنیسے قدیم شاعریو خوش دراک ژوانان ہیہ ہنگہ پھونیک وا باشیک خوشینی۔ ہرونی تان نو، بلکہ ہر دوری واو تان لیشو پایان دوئیکو وختہ دی اشور ژانو باشیر۔

تعارف

ہیہ بارا اسپہ موژاری ای پھت ہموش رینیان کہ کھوار شاعر یا اشور ژان سفو سار قدیم یعنی بو پرانو، مگم اشور ژانو ہردیو دروغ کوراک ہنگو سم کڑومان سفو سار نست سے کا نیزیرو بوئے رے چھکم لو کا دی دیکو نو بویان۔ اچھو ای کما ژوانان سار غیر ہتے اموخین موژار کوس دی نامو و نشانو دراک نیکی۔  کار کوراک دی پھتوکتو دار دیتی بو غورا سورا کار کورونی۔  وا ژان پولیکو شیرہ دار و خا یو ساریر۔  ژان پالاک سست ہردیان سوم روئے اشرو غیریے کیڑک شروغ کورونی۔  وا ای پھت دوئی دوئی ھئی ھائے کوروو  اف اوچے بروف کوراو بہچونی۔

اشور ژان پرانو بشاونو

اشور ژان کندور کہ پرانو اول دورو یا موژ دورا یا نو، مگم ہے کڑومان ریکو چے کار کورک سف تان ہردیو و خیالو ترجمانی جشونی۔ ہر ایوالو ریر کہ وارزار پونگا پت مہ لوو دیتی اسور، اسپہ ہیہ ہنگوتے ہرونی پرانو ریکو دی نو بوسی کہ بالکل کیہ قرنو سارئیر۔  نہ ہانی اچھو دورو ، البتہ موژ دورو ریکو بوسی۔ لش کہ لوڑین بویان عقلوت پندیکو سم جستہ موژ دورو بیک رروسک دی ساریران،۔ جنت نسیب بیکو استاز محمد جناب شاہ مرحومو څیرو برار میر گلاب شاہ صاحب ہنیسے دی ہوشہ بکر آبانا اسور، ہیس اوچے عبدالعزیز شاہ مرحوم المعروف کوراغو شاہ جی ہیہ لوو بار بار دیاو تانی کہ اشور ژان شالئیو لال منفعت خانو نیزیرو۔ وا ہمیت څیق کٹورو شروغی رونو بیتی شینی۔ شالیکو لال تان ہمی کڑومانتے ہنگ سینا آباد اشور ژان نامین موشو چاکے  دیرو بیرائے۔ ہےانعامہ سینا اوچے سینگورا ہتوت جائیداد دئیے اسور۔  شالیو ہتے کڑوم خدائے خبار کوس کارا بونی یا نو۔  مگم ہے ہنگ دیاکو  زبانہ ہیہ ای کڑوم برابار ہوئے کہ؛

محبتو یہ ژاوئے اشور ژان ریتائے

ہمی جو کڑومان بو نوژان ریتائے

اشور ژانو نوغ ہنگ

اشور ژانو نوغ ہنگ کارا توراو خوش بیکین وارزار گنی پونگہ پت بازی تنگ روئے ہےہنگہ کڑوم راو ہانی۔ ہے موژی تو کھووو واشیچو دوستی خان اوچے یارخونو استچو رستمو ہنگا درونگار کڑوم بو مشہور ہونی۔

ریگیش اشپیرو مہ پھور پرائے، اجل تک انزیران، تان عمرار

اجل کو کیچہ بوئے خود خبار دوناو فکر کورور، چھوتیا بینیان

دستئے اسپہ یار

آشور ژانو قسم

اشور ژانو ای کما قسم ہنیسو کھوار شاعرانن موژا بو مشہور شینی ۔ ہتان موژار ای کما ہنگان نام ہمیت؛

• چپاڑیو عبدالستار خان عرف متارو اشور ژان
• کوراغو میر ولی ماسٹیرو اشور ژان
• ستارو استاذ علی ظہورو اشور ژان