Wp/kek/LI WAKAX UT JUN LI NIMLA PEK

wakax

Sa’ jun len kutank, kiwank len jun aj loq’ol wakax, rajlal len naxik xsik’b’al li xwakax re naq tkamsi, sa’ jun len hoonal kixtaw chaq jun li xwakax kinume´k chaq nach’ chi xk’atq jun li nimla pek, yook len chaq chi nume’k naq kilub’k len chaq li xwakax chi ru, ink’a’ len chik naruuk chaq chi wakliik, ut ink’a’ len naxtaw ru k’a' ut naq kama’an yook xk’ulb’al li xwakax, ut chi jumpaat  len kinaqk sa’ xch’ool naq ani nake’xk’ul kama’an toj reetal len naq nake’xk’e oxib’ jilok xtz’uum li pek a’an toja’ len  naq nake’numek chaq li ketomj aran. Jo’kan ut naq toj chalen anaqwank naq nanume’k chaq junaq poyanam aran rochb'een junaq xketomq toj reetal len naq nake’k’ehe'k chaq xtz’uum li pek a’an re naq nake’nume’k chaq sa xyaalal.