Wp/kea/Kauberdi

Rapúblika di Kauberdi República de Cabo Verde Bandera di Kauberdi Brazon di Armas di Kauberdi Léma: Unidadi, Trabódje, Prugrésu Inu: Kántiku di Liberdadi Wp/kea/Kauberdi}}} Kapital: Praia Sidadi más grandi: Praia Linga ofisial: Purtugês Gubérnu: Rapúblika simiprizidensialista Prizidenti: José Maria Neves Purmeru-ministru: Ulisses Correia e Silva Ária: 4 033 km2 ·Agu (%): 0,08% ·Fronteras: 0 km ·Stenson litoráni: 965 km Pupulason (2021): 491.233 ·Densidadi: 121,8 abitantis/km2 IDU (2022): 0,661 (131º) PNB (nominal): 194 988 milion di skudus Muéda: Skudu kauberdianu Fus orári: OKV (UTC-1) Kódigu ISO: CPV Kódigu Internéti: .cv

Kauberdi, o Kabuverdi, ofisialmenti Rapúblika di Kauberdi, é un país nsular di Áfrika lukalizóde na un arkipélagu na Osianu Atlántiku, konstituídu pa dés ilias burkániku, ku ária di téra firmi kunbinadu di sérka di 4 033 km². El tene frontera marítimu ku Senegal, Giné-Bisau, Gánbia i Moritánia; si ilias ta fika entri 600 i 850 km pa oésti di pinínsula senegalês tánbi kunxedu suma Kabuverdi, ki ta situadu na pontu más osidental di Áfrika kontinental. Ilias di Kauberdi ta fasi parti di un ékurijon txumadu Makaronézia, djuntu ku Asoris, Ilias Kanária, Madera i Ilias Salbaxi.

Arkipélagu di Kauberdi fika dizabitadu ti séklu XV, kantu sploradoris di Purtugal diskubri i kuluniza es ilias, u-ki marka stabilisimentu di purmeru puvuason oropeu na trópikus.

Un bes ki es ilias sta situóde na un pontu konsideradu stratéjiku pa épuka di kumérsi tranzatlántiku di pisoas sakuestradu na kontinenti afrikanu i fasedu di skrabu, Kauberdi torna ikunomikamenti prósperu na kel priúdu, markadu ku prizénsa di txeu merkador, korsári i piratas.

Konsakuentimenti, ikunumia di arkipélagu kumesa diklina na séklu XIX, pamodi muvimentu supreson di kumérsi di pisoas skrabizadu na Atlántiku. Di li pa dianti, munti abitantis di Kauberdi bai pa téra lonxi, buska bida na stranxeru. Entritantu, ikunumia di Kauberdi rakupera gran-gran i torna un npurtanti séntru kumersial i pontu di skala útil pa munti róta di nabegason. Na 1951, Kauberdi foi nkorporadu kuma un dipartamentu ultramarinu di Purtugal, mas si abitantis kontínua kanpanha pa ndipendénsa, u-ki es alkansa na anu 1975.

Désdi inísiu di anus 1990, Kauberdi ten sidu un dimukrasia raprizentativu stabilizadu i el sta nkluidu entri kes nason más dizanvolvidu i dimukrátiku di Áfrika. Ku skasês di rakuisu natural, si ikunumia in dizanvolvimentu ta orentadu, ndumendu, pa setor di sirbisus, ku fóku kirsenti na turismu i na nvistimentu stranxeru. Si pupulason é di sérka di 491 233 abitantis i na el ta izisti priduminánsa ralijozu di Grexa Katóliku.

Ta izisti un kumunidadi konsiderávi di kauberdianus ki imigra pa txeu paízis di mundu, ku distaki pa Stadus Unidu di Mérka, Purtugal, Fransa, Angóla, Santumé i Prispi, País Baxu, Senegal, Luxenburgu, entri otus.

Kauberdi é konpostu pa dés ilias: Bubista, Djabraba, Dja di Sal, Djarfogu, Djarmai, Saninklau, Santa Luzia, Santiagu, Sonsente i Sontonton. Si kapital i sidadi más pupulozu é Praia. Língua ofisial é purtugês, i língua matérnu é kauberdianu, ki dentu-l país é rafiridu kumó kriolu o kriol.