Wp/kea/Bangladéxi

Bangladéxi, ofisialmenti Rapúblika Pupular di Bangladéxi, é un país aziátiku rudiadu kuazi nteramenti pa Índia, isétu na parti sudésti, na undi el tene un pikénu frontera tiréstri ku Mianmar, i na sul, undi sta si litoral na Golfu di Bengala. Es país ta listadu entri kes ikonomias di grupu konxedu kómu "Prósimus Onzi". Daka é si kapital. Parti nordésti di Índia tene frontera ku Bangladéxi na tres ladu. Kantu konsideradu si karatirístikas fíziku i kultural, Bangladéxi ta konpartidja munti aspétus ku Bengala Osidental, un stadu di Índia ki é si bizinhu. Sigó, Bangladéxi i Bengala Osidental ta forma un rijon di Ázia konxedu suma Bengala. Na pasadu, Bangladéxi éra konxedu kómu Bengala Oriental. Si atual nómi Bangladéxi ta siginifika "nason bengali" o "nason di Bengala".