Wp/kea/Arábia Saudita

Arábia Saudita, ofisialmenti Renu di Arábia Saudita, é konsideróde, pa tamanhu di tiritóri, más grandi país árabi di Ázia i di pinínsula Arábiku (sérka di 2 150 000 km²). Es país ta fase frontera ku Jordánia i Iraki na parti nórti; Kuaiti na nordésti; Katar, Barén, Imiradus Árabi Unidu na lésti; Oman na sudésti; Iémen na sul; Mar Burmedju na oésti i Golfu Pérsiku na lésti. Si pupulason ta stimadu na 16 milion di sidadons, 9 milion di spatriadus stranjeru i 2 milion di imigranti ilegal rajistradus. Si sidadis más npurtanti ta ser: Riadi, kapital; Jidá, prinsipal portu i kapital antigu; Méka i Midina, sidadis sagradu pa ralijion slámiku; i Daman, banhóde pa golfu Pérsiku.