Wp/kck/Whuku

Whuku (Gallus gallus domesticus) inyunyi inopfuyiwa, innongina pasi kwenyunyi dzihaba dzehango (Gallus gallus). Whuku zwipfuwho zwinozimbgwa kwazo kakale zwopfuyiwa muhango dzose, bunjinji gwewhuku gwakaguswika 23.7 bhiliyoni nde2018. gwakakula gubva mu19 bhiliyoni 2011. kunha whuku dzinjinji muhango dzose kupinda nyunyi dzimuhango kene dzakapfuyiwa. Banhu banopfuwa whuku kwazo kwazo betila kafu (Bedla nyama ndemabumbulu) bamwe banodzithama bakwinya koga akuzoyanda. Ntolo dzakadzipfuyigwa gwisaniwa kene gubungano lakahalugwa. Whuku dzakadzisingapfuyigwe dliwa kukadze kukaswika lubaka gwaHellenistic nde(4th–2nd sentjuri BC).

Zwidiyo zwegenethiki zwowhana kuti whuku dzakatanga kuSouth Asia, Southeast Asia, ndekuEast Asia, koga dzihoma dzakawhangwa kuAmericas, Europe, the Middle East ndekuAfrica dzibva kuhango. Dzimilika kuIndia yantolo, zwipfuwho zwewhuku dzatanga pfuyiwa kuLydia ku western Asia Minor, ndekuGreece mulubaka gwe 5th sentjuri BC. Nyunyi dzakadzozimbgwa kuhango yeGibithe milikila pakati kwe15th sentjuri BC, ndenyunyi inozwala mahhuba whose yakayatjibepo kuGibithe muhango ipakati kweSyria nde Shinar, Babylonia, seleba kwabe annals of Thutmose III.