Wp/kck/Shashe

Shashe (Shayashe/Hayahe) gwizi gukulu gunotangila muBotswana kuBunanzwa Mahwahhuba eFrancistown. Gowunga gulipakati kwenghanhu weZimbabwe neBotswana guno ngina kunaLimpopo (Bembe/Vembe) gwakalingisana nepaMapungubwe National Park. Dzimwe njizi dzinodila muna Shashe ndi Thuli(Ntugwi), Simukwe, Shashani, Ramokgwebana (Mkhwebana) naTati. Gwizi igogu goyelesedziwa kuti gungabe igo gwakeguhanganya gwizi Zambezi naBembe njizi idzedzi dzisanhu dzapalalanyiwa negwanga. Zila yango inokumbuligwa kuti yakabe ipinda kuMakgadikgadi Pan (Kumunyu).