Wp/kck/Ndebo mbuya yakanyoliwa ndijohane
1 KUTANGA wakabe alipo wwi, Wwi wake anaNdzimu, Wwi wake aliNdzimu. 2 Iwoyo wakabe anaNdzimu kutanga. 3 Zwinu zose zwakayetiwa ndiye, kuhhe kukwe akuzoyetiwa tjimwe tjakayetiwa. 4 Kwake kuna kutjila muwunli, kukati kutjila kukabe tjedza tjebanhu. 5 Tjedza tjikapenya muhalima, koga hhalima lisitongotji amutjila.
6 Kwakahha nhu, atumwa ngeNdzimu, zina lile laka liyiJohane. 7 Iye wakaha kulayidzila, kusimisa ngetjedza, kuti bose bagalemoyo ndiye. 8 Iye wakabe asi itjoyitjetjo tjedza, koga wakabe aha kuti asimise ngetjedza itjetjo.
9 Tjedza tjemalebeswa tjakabe tjili itjo tjinopenyesa banhu bose ngokuha kwatjo muhango. 10 wakabe alimuhango, hango wakayetiwa ndiye, koga hango ayizowunziba. 11 Wakaha kunakukwe, koga bake bali babe basitongo amutjila. 12 Koga ibabo bakawu amutjila, kabapa masimba kuti babe banhu beNdzimu, ibabo banogalamoyo muzina lile: 13 Bakabe basaka zwagwa ngemalopa, ngekuda kwenyama, ngekuda kwenlume, koga bakazwagwa ngeNdzimu.
14 Wwi kabe nyama, kagala pakati kwedu (tikabona tjedza tjitje tjinonga tjowaka zwagwa ega waTate) alihele ngoni namalebeswa. 15 Johane wakalebesa ndiye, edanilila eti: Oyu ndiye wandakabe ndileba ngekukwe, nditi, Oyo unoha hule kwangu, umbeli kwangu, ngobe wakabe alipo ndisanu ndabepo. 16 Iswi tose taka amutjila mukuhala kukwe, ngoni pehugwi kwengoni. 17 Nlayo wakapiwa ndiMose, kukaha ngoni namalebeswa ndiYesu Kristu. 18 Akuna nhu wakatongo bonaNdzimu Nkololo wakazwagwa ega, upafuba tjaTate, ndiye wakawunzibisa
19 Okukulebesa kwaJohane nsi baJuda wabakatuma baPristi nabaLevi, bebva kuJerusalema kumbuzwa kuti: Iwe ndiwe ani kene? 20 Kabvuma, asingalandule, kabvuma kati: AnditaKristu imi. 21 Bakambuzwa bakati: Ngono uyani kene? Ndiwe Elija kene? Kati: Andita iye. Ngono unlebesambeli kene? Kahandula kati: A, A, 22 Bakaboti kuwunli: Ndiwe ani kene kuti tibabudze batituma. Unotini iwe ngekuko? 23 Kati:
Ndiwwi linodanilila mutjilambanyika liti: Lulamisani zila yaHe, sekwakalebwa ndiIsaya nlebesambeli.
24 Ibabo bakabe batumwa bakabe baliBafarisi. 25 Bakambuzwa bakati kuwunli: AwusiKristu, naElija, nonlebesambeli, unobvubikilani ngono? 26 Johane kabahandula kati: Imi ndobvubika ngevula, pakati kwenyu kumile wamusinga zibe, 27 ndiye unoha hule kwangu, wandisa kafanila kusunungula mitjili yehangu dzidze. 28 Oku kwakayetiwa kuBetane selikwePordane, ipapo Johane kwake ebvubika ko.