Wp/kck/Luboko

From Wikimedia Incubator
< Wp‎ | kckWp > kck > Luboko

Luboko inhungu yembili, inobonakala ndemingwe minjinji kakale gowangwa mubupelo gwengalo kene kunopelela mbili sekubanhu, makudo, hhoko, ndemalemozi. Ndedzimwe mhuka dzihomanana dzina spayinali khodi dzinonga khowhala (inamingwe mikulu mibili yakaleyana mumaboko mabili kakale inama finga printi anondidzana ndewebanhu) dzogala dziyi dzinamaboko mundawo yokuti kuyi dzinamakumbo kene zwinyala semhuka mubupelo. Mhuka inoyi manjilili inobongwa semhuka inamaboko koga mingwe mikulu isingandidzane ayitapo.

Luboko

Bamwe banothama zwidiyo zwembili banohingisa zina linoti luboko bebva kumwe ndekumwe kumubupelo kwengalo. Semunyunyi inazwinyala zwitatu mumakumbo koga mudzimwe mhuka dzinonga dinoza mibili mingwe mumaboko. Luboko gwenhu gunamingwe mihanu: mimwe mina kukoti wetjihanu unoyi tjithupha; koga yose mingwe inodangwa yakahangana ili mihanu, ngobe tjithupha tjodangwa semungwe. Tjithupha tjinamapfupa ali 27 kusingabagwe pfupa linoyi sesamoid ngobe lowangwa mubamwe banhu kukoti mubamwe alitapo. Mapfupa ali14 anoyi falanjisi (Proximali, intamidiyeti ndedistali) yemingwe ndetjithupa. Mapfupa emetacarpal anohanganisa mingwe ndemapfupa ecarpal amuhangano yengalo. Luboko gwenhu whose gunamapfupa eli mahanu emetacarpals ndemapfupa elihanankadzi ecarpal.

Mingwe inabupelo emanevu anothama kuti awhe tjimwe ndetjimwe hhapo ebhata. Mingwe ndiyo inohinga bhata mumbili ndezila yakatambunhuka, mingwe kakale inohinga muwha ndemaboko. Sedzimwe nhungu dzembili dzinohinga dzilimbili (meho, makumbo, milenze) luboko gun’ ompela gotungamigwa ndebulubi gwelumeho sezila yesayensi. Luboko gunohingisiwa mumihingo inohaka luboko gun’ ompela sekwala ndepenseli, kolayidza kuti bulubi gwenhu gohinga tjini.

Mubanhu, maboko anohinga kwazo mulebeleka ndemaboko ndelebeleka kusinha nlomo. Kwakajalo mingwe yose iligumi yemaboko mabili ndemafalangisi elimakumi mabili eminwe mina (inobhatika ndetjithupa) yatjibhatsha kwazo mubala nde khalikhuletha.