Wp/kck/Hhuba

Hhuba ndilo lakamilidzika kene lipehhugwi kupinda kose mundongoloso yesola. Hhuba tjigombolozi tjinopisa kwazo, tjodusa moto unothama kuti kunamatile ndezila yedayinamo. Hhuba libutuka kwazo ngobe ndilo linohhisa masimba obutjilo muplanethi yehango. Bupabi gwehhuba gungabe 1.39 million kilometers (864,000 miles), kene pamiwha ka 109 mubukulu gweplanethi yehango. Tjisindo tjehhuba tjingabe 330,000 kunatjisindo tjeplanethi yehango. Kotola 99.86% yetjisindo tjendongoloso yesola yakapelela yose. Makota matatu etjisindo tjehhuba ana hayidrogini (~73%); kukoti kumwe ihelium (~25%), kukobe ndemepo dzinolema dzinohanganisila oxygen, carbon, neon, nde iron.

Tjifananidzo tjakatogwa mutjedza nde 2013 kunamibala yehhuba ndebutema.

Hhuba libva ku Atmospheric Imaging Assembly of NASA's Solar Dynamics Observatory - 20100819.jpg

Hhuba inhlobo yeG- main-sequence star (G2V) kwakalingiwha bumilo gwalo. Hhuba lodangwa ndezila isipo munlayo kakale isazotambunhuka inoti dwafu ihhudzi (tjedza tjalo tjipedlo mubutjena kuna kuhhudzi). Hhuba lakabumbiwa mumakole angaba 4.6 bhiliyoni akapinda, kwakadibana mabhgwe mupehhuhhugwi mumakole. Kwakabhuda mudibana ikoku kwakabungana pakati, kukoti kunji kwakhona kwakabumba kunoyi ndongoloso yesola. Kwakabungana pakati kwakatanga pisa kukalema kukabe ndemongo wemoto. Kokumbuligwa kuti nyenyedzi dzobumbiwa ndezila iyeyi...

Hhuba lohanganisa mahayidrogini manjinji engaswika mu600 miliyoni, kukobhuda masimba engaba 4 miliyoni mulubakanyana. Masimba akanamatila mumonga wemoto engatola makole anoswika 10,000 nde170,000 kuti abhude ndentha yekuti ndiko kunobva tjedza tjehhuba ndopisa.

Masimba ehhuba muplanethi yehango anowhakala kwazo milikila ntolo, kakale hhuba kuzwimwe zwitjaba lozibhgwa semwali. Poteleka kweplanethi yehango muhhuba kothama makhalenda, imwe ndiyo yatinhohingisa nhasi.