Wp/kaj/Swatka̱sa

Swat ka̱sa, nkpa yet du̱kpungtun ti tyyei bvwon ntswa na a̱ mon bu̱ du̱yeyyu ni bu̱ nkyang a bra̱ng a̱nyeyyu ni. Tyyei swat ka̱sa na ba a̱za̱kpai rot ka̱sak ka, a̱yin na̱ ya tung a̱tyei, bu̱ ka̱sak ka na̱ trak swat nu na ni, bu̱ ka̱sak ka na̱ dai ni, bu̱ ka̱sak ka na̱ na nssang kyang a̱tyyi ku̱ ka̱shei a̱ ba ni, ka̱sak ka na̱ n hwok ku̱ kyang ku ra ni bu̱ tyei na̱won.Swat ka̱sa sa̱rei na cong si tat du̱kkwu wwon a̱yin a̱n sshi a̱ sswa cet du̱kkwu ni ba. Ba̱ngwak du̱twang, a̱ hywa du̱ swat ka̱sa n kpa yet ka̱sak ka a̱yin na̱ ya tung a̱tyyi du̱ bvak nu. Na̱maccwang ntswa ndwam a a̱ssi na wui maai a̱ryyi ni, a̱ na tyyei swat ka̱sa u̱ bvwa du̱kkwu rot ba dung ka̱yat ntswa au ndwam. Swat ka̱sa n sshi u̱ na̱bvwa u̱ ka̱sa ka, madei, u̱n yyi nwun, u̱ ba̱shekkwot, bu̱ ka̱byen.