Wp/kac/Mali Hka Madim

From Wikimedia Incubator
< Wp‎ | kacWp > kac > Mali Hka Madim
Jump to navigation Jump to search

Tanghpre mare na mali hka madim (myen ga hku Myitsone ta taman) ngu ai gaw myen mung kata na Mali hka kaw galaw na kaba dik hka madim myi hprap wan jak rung kaba re. Shi masing hte maren 2017 ning hta ndai madim ngut lu ai rai yang mungkan hta nambat 15 kaba htum hka madim myi hprap wan jak kaba tai na re. Dai madim kaba gaw galu de 1,310 m (4,297.9 pe) galu nna, tsaw de 139.6m (458.0 pe) tsaw na hku hkyen da ai re. Ndai madim hpe myen mung asuya a company rai nga ai (Asia World) hte (CPI) ngu ai China Power Investment Corporation yan jawm gaw gap ai re. Ndai madim kaw nna wan n-gun 3,600 kaw na 6,000 megawatts hpe shaw nna nna Miwa mung Yunan mungdaw a madu jai lang na hkyen nga ai re. Leader Journal kaw nna (January 3, 2014) hta tsun ai hku nga yang ndai madim gaw myen mung kaw ra ai myi hprap wan hpe shawng jahpring ya nna jan ai yawng hpe Miwa mung de dut ya na matu re nga ai. Ndai madim gaw grai ningdang kalang hkat hpa re, hpa majaw nga yang madim galaw na shara gaw hka maw ru kaba byin chye ai shara, makau gyup yin hpe hkra shangun ai hte Sagaing nnang nawn lam ntsa kaw ang taw ai majaw re. Lu shapraw ai myi hprap wan law malawng hpe Miwa mung de dut nna Myen mung masha ni a matu gaw akyu kaji kajaw sha lu la na majaw mung re. Myen mung dan na mung masha ni gaw myen mung a ntsa miwa ni kaup bang wa ai hpe grai myit n-gut jawng wa sai, Miwa gaw shi a myihprap nhprang zawn re ni a matu myen mung kata dollar wan hkying hku arang bang wa nga ma ai. Dai madim hte seng nna myen asuya kata hta nan myit nhkrum lam ni mung byin taw ma ai.