Wp/kac/Kadesheb a Shinggyim Wuhpung Ninggam 6

1964 ning, lai wa sai shăning 60 dăram hta, Estro-hpisik ninghkrin Nikolai Kadesheb tang mădun ai, shinggyim wuhpung rawt jat kungkyang wa mai ai ninggam kru nga ai. Enaji hpe kăde dăram gawn hkang jai lang lu ai hta hkan nna, shinggyim wuhpung kăde rawt jat wa mai ai hpe sawn măram da ai rē.

Ninggam 1 Shinggyim Wuhpung

Ndai ninggam gaw, shinggyim măsha ni, tinang shănu nga ai wuntawng ntsa hta nga ai Enaji mahkra hpe gawn hkang jai lang akyu jăshawn lu ai mădang rē.

Ninggam 2 Shinggyim Wuhpung

Tinang shănu nga ai Jan Wuhpung a Enaji ningpawt rai nga ai Ninghkaw Jan Gintawng kaw na Enaji mahkra hpe gawn hkang lu nna, wuntawng lăngai kaw na lăngai de htaw wa htaw sa lu ai mădang rē.

Ninggam 3 Shinggyim Wuhpung

Tinang shănu nga ai Gelekzi shăgan măjaw hta nga ai Enaji mahkra hpe jai lang akyu jăshawn lu ai tsang mădang rē.

Ninggam 4 Shinggyim Wuhpung

Ninggawn tawa ting a Enaji mahkra hpe jai lang akyu jăshawn lu ai ninggam rē. Gelekzi ni hpe gyin shălat nna, shăra-aten hpe mung gawn hkang lu ai tsang rē.

Ninggam 5 Shinggyim Wuhpung

Kăga ninggawn tawa ni hte mătut măhkai nna, dai ninggawn tawa ni kaw na Enaji ni hpe pyi gawn hkang jai lang akyu jăshawn lu ai mădang rē.

Ninggam 6 Shinggyim Wuhpung

Ahkying aten hte shăra a gyit hkang da ai kaw na lawt ai, grau mădang tsaw ai daimenshin hta nga nna, ninggawn tawa ni hpe gyin shălat ai, shing n rai, jăhten lu ai mădang rē.