Wp/kac/Ga Gale Ai Hpaji

Ga gale ai hpaji gaw Wunpawng sha ni a matu dai ni grai ahkyak ai hpaji byin wa sai. Hpa majaw nga yang, anhte hta anhte a ga majing hte mungkan hpaji ni hpe sharain la na ahkaw ahkang grai n law ai. Tsun mayu ai gaw, anhte a ga hte ka da ai hpaji hte seng ai laika ni nau n nga ai. De majaw, ga gale ai ndai hpaji hpe n-gun dat galaw yang, laika ni hpe gale la yang, dai gaw grai akyu rawng ai magam bungli langai byin wa na re. Amyu sha ni yawng tinang a ga hte mungkan hpaji ni hpe sharin la lu ai ahkaw ahkang nga wa na re.