Wp/jut/Teknologi

Teknologi æ e uaj som kan definiers po åskjilli weje. Uaje teknologi æ en sammelsættneng å di græsk øæj for "mesterskåp" å "betyjneng". I mång definitione for teknologi ånwenjs synonyme for uaje "mesterskåp". Å ånwenjs øæj "wijen" å "innovation" oft i definitione for teknologi. En foll omfattenj definition for teknologie æ hwanten suer å finj. Teknologi placiers i for mång åskilli kontekste for dæ.

Teknologi æ forbunjen mæ teknik. Teknologi nyejwenji for å ujwikkel nøy teknisk lyesnenge å produkte. We teknologi hånjle dæ isaar om nøy teknisk konsepte. For dæ æ teknologi tætt forbunjen mæ innovatione. Innovation omskriws i ållmien som pofinj å ujwikkel nøy idée. Gjennem teknologie kan nøy innovationer ujwikkels å produciers, å omwenjen. Teknologi æ itt en synonym te innovation, siel om di øæj æ tætt forbunjen mæ hweranjen. I muejsats te innovation æ teknologi ålltijens forbunjen mæ teknik, så kan man å finj innovation po emn som social emn. Å finjs dæ teknologisk innovationer som man kan ujwikkel. Dihæer innovationer æ hwanten teknisk.

Teknologi tjiene e mol å æ e system som mæ dæ wijenskåp å wijen kan ånwenjs molbewijst for å ujwikkel innovativ metode, organisationsforme å teknike for å tefriejstell bestemme fysik å itt-fysik mol.