Wp/jut/Danmaak
Danmaak, Denmaak elle Danmark (fra danjsk: Danmark, fra tysk: Dänemark) ä e lånj å konstitutionell monarki i Skandinavie, i nowdli Europa, som åsså omfatte Jyllanj. Den hwosstad å Danmaak ä Tjømhaun å di officiell spraw ä danjsk (tysk ä e ånærtjentj regional spraw i diel å Jyllanj). Sammel mä Færøa å Gryönlanj forme Danmaak dä Kongrige Danmaak. Danmaak grænse te Tysklanj mue syd å omdjies å flier haw: Wæstehaw (i diel å Nowdsyö), Skawrakk, Kattgatt å Östersyö). Danmaak ä e medlem å EU å UNO.
Nästen haal å befolknengen å Danmaak lewe i Jyllanj, men dä stöösjti center for befolknengen ä hwosstaden Tjømhaun å sin direkt omdjienhiet.
Danmaak bebyggs å menske sien stienålja, omkreng 100.000 or tebag. På den tidi war klimate mye ulit som dä ä nu. Dä længde te 15.000 or tebag för inlånjsisi bedjynde trække nowdli å jagti å feskerie blyw di wijtisti närenge. Ållried omkreng 7.000 för Kr. kan hå eksistiirt i central danjsk magt, som utwiises å Dannewirke. Danmaak formde åsså e center for wiikengstidi, intil cirka 1050 ette Kr. då kristidommi fanj sett intræd.
Økonomi[edit | edit source]
- Sietj åsså hwoetartiklen: Økonomi Danmaaks.
Frii-markedsøkonomien å Danmaak sigte sej hwossawli på lanjbruw, lie-industri å ä åhængli å hånjel mä utlånje. Danmaak eksportiir åsså mye energi; lanje hår stuer olie- å gaskwell i Nowdsyö.
Danmaaks möntjienhiet hette den dansk kruen (= 100 øre), som ä kopplen mä europæisk euro. Vekselkursen ä platt på euro mä cirka 7,45 kruen for ien euro.
Bye i Danmaak[edit | edit source]
- Sietj åsså hwoetartiklen: Bye i Danmaak.
Di ti stöösjti bye i Danmaak war or 2005: Tjømhaun (København), Åros (Århus), Uensi (Odense), Ålbaw (Aalborg), Esbjerg, Ranjes (Randers), Kolling (Kolding), Wæjl (Vejle), Hawsens (Horsens) å Roskilde.
Abkhasien • Albanien • Andorra • Armenien • Aserbajdsjan • Belgien • Bosnien-Hercegowin • Bulgarien • Cyperi • Danmaak • Estlanj • Finnlanj • Frånkrig • Færøa • Georgien • Gräkenlanj • Hollanj • Hwidrysslanj • Irlanj • Islanj • Italien • Kosowo • Lettlanj • Liechtenstein • Litauen • Luksembaw • Makedonien • Malta • Moldowa • Monaco • Norj • Portugal • Puelen • Rumänien • Ryssland (åsså i Asien) • San Marino • Schweiz • Serbien • Slowakie • Slovenien • Spanien (åsså i Afrika) • Stuerbrittannien • Swærj • Tjekkie • Tyrkie (åsså i Asien) • Tysklanj • Ukrain • Ungari • Vatikanstati • Östrig • Xroatsien