Wp/jax/Teh Talua

From Wikimedia Incubator
< Wp‎ | jax
Wp > jax > Teh Talua

Teh Talua atau teh telok adolah minuman khas dari Sumatra Barat, Indonesia. Teh sikok ko sering ado di warong-warong Sumatra Barat dan dipercayo punyo banyak manfaat. Minuman sikok ko jugo sering diminom waktu sarapan atau malam hari.[1]

Bahan untuk membuat teh talua ko jugo idak banyak dan semuonyo mudah didapatin. Bahan-bahannyo adolah teh, telok ayam kampong, gulo paser, kental manis, kayu manis, samo jerok nipis. Tapi walaupun pakek telok, teh sikok ni idak pulak amis, dan enak untuk diminom.[1]

Dari segelas teh talua, ado sekitar limo gradasi warno yang biasonyo disebot dengan limo lenggek. Perbedaan warno ko sebenarnyo karno dari proses pembuatannyo yang ado beberapo tahap. Teh talua ko jugo pernah jadi juaro tigo pado tahun 2017 di acaro Anugerah Pesona Indonesia untuk kategori minuman tradisional.[2]

Manfaat[edit | edit source]

  1. Nambahin Tenago. Manfaat pertamo dari teh talua adolah biso untuk nambahin tenago. Biasonyo teh iko dikonsumsi samo orang-orang yang punyo banyak kegiatan atau kerjonyo berat di pagi hari untuk biso nambahin tenagonyo dan biak dak mudah capek.[3]
  2. Menjago Mato. Manfaat keduo adolah biso untuk menjago mato. Hal iko karno ado kandungan zat karotenoid di dalam teh talua yang merupokan zat untuk biso jago kesehatan mato. Selain itu, dengan minum teh talua biso untuk nurunin resiko penyakit katarak yang bebahayo dan biso jadi buto.[3]
  3. Ningkatin Stamina Cowok. Manfaat sikok ko udah banyak orang tahu karno memang teh talua biso untuk ningkatin stamina untuk cowok. Hal iko sebenarnyo karno kuning telok yang punyo lemak dan jadi sumber tenago.[3]
  4. Menahan Lapar. Teh talua jugo biso untuk menahan lapar karno dalam pembuatannyo pakek teh, telok, samo gulo.[3]
  5. Menambah Kebutuhan Vitamin. Telok yang ado di dalam teh talua mengandung banyak vitamin kayak vitamin A, D, E, samo K. Vitamin yang ado tu bakalan masok ke badan dan berguno untuk bagian-bagian badan yang butuh.[3]

Daftar Pustaka[edit | edit source]

  1. 1.0 1.1 Silvita Agmasari (8 September 2020). "6 Tips Bikin Teh Telur Khas Minang yang Tidak Bau Amis dan Berbusa". Kompas.com. Diakses pada 23 Mei 2021.
  2. Fatya Well (13 Januari 2021). "5 Fakta Teh Talua Sumatera Barat". Idntime.com. Diakses pada 23 Mei 2021.
  3. 3.0 3.1 3.2 3.3 3.4 Husnul Abdi (21 Juni 2019). "5 Manfaat Teh Talua Bagi Kesehatan, Minuman Khas Sumatera Barat". Liputan6.id. Diakses pada 23 Mei 2021.