Wp/jax/Tari Saman
Tari Saman adolah salah sikok tari yang ado di Indonesia. Tari iko berasal dari daerah dataran tinggi Gayo, yang ado di Kabupaten Aceh Tengah. Tarian suku Gayo iko biasonyo digelar ketiko ado kegiatan penting atau acaro adat.[1]
Sejarah[edit | edit source]
Namo Tari Saman adolah namo dari salah sikok ulamo besak yang ado di Aceh, yaitu Syekh Saman. Tari Saman petamo kali diciptain pado abad XIV. Awalnyo tujuan pementasan tari ko untuk media dakwah ke masyarakat sekitar. Sebelum tariannyo ditampilkan, pemuka adat ngasih nasihat untuk semuo penonton termasuk pemain tari tersebut. Selain itu, dalam pertunjukannyo kental mengandung ilmu-ilmu agamo serto makek bahaso Gayo dan Arab.[1]
Dahulu Tari Sama cuman biso ditampilin di acaro sakral bae, tapi sekarang tarian iko sering ditampilin di acaro peringatan Maulid Nabi Muhammad SAW.Ketiko ado tamu kehormatan datang jugo sering disambut dengan tari iko.[1]
Gerakan[edit | edit source]
Tari Saman dilakukan dengan duduk bejajar. Posisi duduk seperti duduk diantaro duo sujud ketiko shalat mempunyoi arti untuk membentuk shaf ketiko shalat.[2] Mempunyoi banyak gerakan tangan, mulai dari tepuk tangan sampai tepuk dada. Gerakan iko adolah gerak guncang, kirep, lingang, dan surang-surang. Selain itu jugo ado cilok (gerak ringan ujung jari), cerkop (keduo tangan berimpit dan searah), tepok (gerakan tepuk tangan dari banyak posisi). Para penari bebaris menjadi duo baris yang mano betepuk tangan dengan penari lain sehinggo seiramo.[1]
Daftar Pustaka[edit | edit source]
- ↑ 1.0 1.1 1.2 1.3 Ani Rachman (8 September 2022). "Tari Saman: Sejarah, Keunikan, Gerakan, dan Maknanya". Kompas.com. Diakses pada 13 Januari 2023.
- ↑ Tim detikcom (13 Januari 2022). "Mengenal Tari Saman, Daerah Asal hingga Perbedaannya dengan Ratoeh Duek". travel.detik.com. Diakses pada 13 Januari 2023.