Wp/jax/Tari Payung
Tari Payung atau Tari Payuang adolah tarian tradisional yang berasal dari Bukittinggi, Sumatra Barat.[1] Tarian ko mulai populer sejak 1960-an dan ditarikan samo suku Minangkabau. Sesuai samo namonyo, tari ko dimainkan samo penari yang membawak payung dan jumlah penarinyo genap. Tari Payung biaso ditampilkan untuk hiburan kayak pembukaan acaro tertentu.[2]
Sejarah
[edit | edit source]Sejarah Tari Payung sampai saat iko belom ado yang pasti, tapi diperkirakan kalau tarian ko ado sejak maso penjajahan Belando. Dalam pertunjukannyo Tari Payung ko ado jalan cerito, drama, lawakan, dan tarian. Gerakannyo mulai dibakukan padi 1904-1920 samo Rasyid Manggis yang pernah sekolah di Normal School Bukittinggi. Kemudian gerakan dikembangin lagi samo Siti Agam dengan tema pergaulan remaja yang ado di Sungai Tanang, Bukittinggi.[2]
Makna properti
[edit | edit source]Makna dari tari tradisional ko adolah kasih sayang samo perlindungan untuk sang kekasih. Properti payung melambangkan perlindungan laki-laki untuk keluargo sebagai kepalo keluargo, sedangkan arti selendang adolah ikatan cinto dari pasangan dan menggambarkan kesetiaan perempuan membina rumah tanggo.[1]
Gerakan
[edit | edit source]Gerakan Tari Payung adolah kombinasi antaro Minangkabau samo Melayu. Khusus penari laki-laki menampilkan pencak silat dalam tarian, sedangkan untuk perempuannyo menampilkan lenggak, joget, dan lenggok. Ado kiasan yang sesuai dengan tari ko yaitu “Siganjua lali, pada suruik maju nan labiah. Lau tata ruang patah tigo, samuik tapijak indak mati” yang mempunyoi arti gerakan penari lemah lembut namun terdapat kekuatan dan ketajaman di dalamnyo.[3]
Dalam penampilan, ado tigo bagian gerakan yaitu:[2]
- Bagian awal
Bagian iko dimainkan samo laki-laki dan gerakannyo menyelipkan gerakan silat.
- Bagian inti
Bagian inti ko dibawakan samo penari perempuan dan berpasangan. Gerakannyo adolah mengayunkan selendang kiri ke kanan, jalan kiri ke kanan dan depan ke belakang.
- Bagian akhir
Pado bagian ini penari laki-laki dan perempuan berpasangan dan memainkan payung samo selendang. Bagian paling penting adolah penari laki-laki dan perempuannyo idak bertabrakan dan propertinyo idak saling senggolan.
Daftar Pustaka
[edit | edit source]- ↑ 1.0 1.1 Novia Aisyah (12 Mei 2021). "Tari Payung: Sejarah dan Asal Usulnya". detik.com. Diakses pada 24 Januari 2023.
- ↑ 2.0 2.1 William Ciputra (2 Maret 2022). "Tari Payung dari Sumbar: Sejarah, Gerakan, dan Properti". kompas.com. Diakses pada 24 Januari 2023.
- ↑ Puspasari Setyaningrum (26 Oktober 2022). "Tari Payung: Gerakan, Pola Lantai, Properti, Iringan, dan Maknanya". regional.kompas.com. Diakses pada 24 Januari 2023.