Wp/jax/Tari Indang

Tari Indang adolah salah sikok tarian yang terkenal dari Pariaman, Sumatra Barat. Tarian iko jugo sering disebot dengan Tari Dindin Badindin. Tarian yang erat samo agamo dan adat istiadat ko awalnyo digunokan sebagai sarana dakwah agamo Islam. Mako dari itu, lirik dan musiknyo berkaitan samo agamo Islam.

Sejarah

Pado awalnyo tari Indang dibawak samo ulamo Islam dari Aceh ke Pariaman lalu ketiko di Pariaman dijadikan sarano dakwah. Diperkirakan agamo Islam yang masuk ko sekitar abad ke-13. Sarano dakwah iko jugo menyesuaikan dengan kebudayaan Minangkabau sehinggo lebih dekat samo masyarakat dan berado di surau.

Sampai sekarang tari Indang masih dilakukan samo orang-orang Pariaman dan semakin terkenal samo permainan Indang Pariaman atau Indang Piaman. Ciri khasnyo adolah waktu tarian ko dilakukan ketiko malam hari.

Gerakan

Tari Indang dilakukan oleh 9-25 orang dengan total ganjil. Pemain iko memainkan Indang atau Ripa’i dengan caro dipukul. Selain itu pemain jugo melakukan gerakan jentikan jari sesuai irama. Dari penari tersebut ado yang disebut sebagai anak Indang. Anak Indang ko meliuk-liukin badannyo secaro serempak tapi jugo berlawanan arah. Kalau sikok badannyo ke kanan dan condong ke depan, sedangkan penari lainnyo ke kiri dan condong ke belakang.

Gerakan jari tangan yang tebukak, patah-patah dan mengarah ke atas dan jugo menepuk tangan sesuai dengan lagu. Terdapat bagian penari yang duduk besilo dan meletakkan indang di hadapannyo lalu ngasih sikap hormat dengan telapak tangan di dado. Para penari biasonyo tampil secaro sederhana dan idak pakek riasan khusus di wajahnyo. Pakaiannyo adolah pakaian khas Minangkau yang menggambarkan orang Pariaman.