Wp/jax/Sate Padang
Sate Padang adolah sebutan ontok tigo jenis sate yang ado di Sumatra Barat, sate padang atau darek, sate padang panjang, samo sate pariaman. Sate ko biasonyo tebuat dari daging sapi, tapi walaupun samo sebenarnya sate padang ko beda samo sate remiga dari Lombok atau sate maranggi dari Purwakarta. Sate padang ko biasonyo disajikan samo bumbu atau kuah yang kental.[1]
Jenis[edit | edit source]
Sate Darek[edit | edit source]
Sate darek adolah jenis sate padang yang berasal dari Padang Panjang. Ciri utamo dari sate ko adolah bumbu atau kuahnyo yang bewarno koneng dan warnonyo ko berasal dari konyet. Kuah sate darek ko teksturnyo kental dan jugo ado raso pedas samo gurih. Biasonyo sate darek dibuat dari dageng, lidah, atau jeroan sapi. Caro masaknyo petamo dagengnyo harus direbos dulu dengan bumbu-bumbu sampe lembot dan bumbunyo meresap. Setelah itu baru sate dibakar dan kalo udah selesai sate dimakan samo ketupat dan taburan bawang merah.[1]
Sate Pariaman[edit | edit source]
Sesuai dengan namonyo, sate ko adolah khas dari Pariaman. Ciri-cirinyo adolah dari kuah yang kental dan warnonyo kemerahan dan rasonyo agak pedas. Warno merah yang ado tu sebenarnyo karno dalam pembuatan kuahnyo makek cabe yang banyak.[1]
Ado sekitar 19 bumbu yang dipakek untuk bikin kuah sate pariaman, dan karno banyak tu makonyo raso samo aromanyo kuat nian. Biasonyo sate pariaman ko dimakan samo kerepek balado khas Padang.[1]
Sate Padang[edit | edit source]
Kuah sate padang ko beda samo kuah sate yang lain karno warnonyo kecoklatan. Banyak yang bilang kalo jenis sate ko merupakan perpadua dari sate padang panjang samo pariaman.[2]
Referensi[edit | edit source]
- ↑ 1.0 1.1 1.2 1.3 Devi Setya (21 Desember 2019). "Jangan Hanya Doyan, Kenali 3 Jenis Sate Padang yang Punya Tampilan Berbeda". Detik.com. Diakses pada 18 Mei 2021.
- ↑ Yomi Hanna (20 Maret 2017). "Satai Padang, Kuliner Khas Sumatera Barat". Bobo.grid.id. Diakses pada 18 Mei 2021.