Wp/jax/Randai

Randai adolah kesenian khas Minangkabau yang berupo teater rakyat. Kesenian iko hanyo ado di Sumatra Barat, dan walaupun ado yang samo namun namo dan pertunjukannyo pasti bedo. Dalam pertunjukan, selain ado tarian jugo ado lagu, drama dan silat jadi sikok. Empat unsur paling penting dari randai ko adolah cerito, dialog samo akting, galombangan, samo gurindam.

Sejarah

Kato “randai” berasal dari kato “handai” yang dikasih awalan “ba” menjadi “barandai” yang berarti obrolan hangat di suasano santai. Dahulu randai digunokan sebagai sarano untuk menyampaikan kabar atau cerito rakyat dalam bentuk syair atau gurindam dan diiringi samo musik dan tarian. Beberapo cerito rakyat yang biaso ditampilin samo randai adolah Malin Kundang, Malin Deman, Cindua Mato, Anggun Nan Tongga.

Pada awalnyo Randai ditampilkan untuk mengasah kemampuan silat penarinyo. Semuo penari melingkar dan ado sikok orang di tengah sebagai pangkatua alias pelatih silat yang menyampaikan pesan dengan syair dan gurindam.

Unsur-Unsur

Ado empat unsur dari randai yaitu gerak, cerita, dendang, drama.

• Gerak

Unsur gerak ini diadaptasi dari gerakan silat Minangkabau. Gerakan khas adolah tepok galembong atau duo telapak tangan sehinggo berbunyi. Gerakan tesebut sebenarnyo idak perlu diingat samo penari karno penari cuman mengikuti arahan dari tukang goreh.

• Cerito

Cerito dalam randai ko disebut kaba. Kaba yang disampein adolah cerito rakyat Minangkabau kayak Malin Deman, Cinduo Mato, Lareh Simawang.

• Dendang

Unsur dendang ko maksudnyo adolah lagu atau iramo yang mengiringi randai. Dendang yang digunokan idak cuman sikok tapi ado 6 yaitu dendang pasambahan, dendang pengatur adegan, dendang penyampai cerito, dendang penentu suasano, dendang penentu tempat, dendang penutup cerito.

• Drama

Unsur drama ko adolah bentok visualisasi dari cerito yang ditampilin. Para pemain berakting sesuai dengan jalan cerito tersebut.