Wp/jax/Puncak Jaya
Puncak Jayawijaya atau yang dikenal Piramida Carstensz adolah puncak yang paling tinggi di Indonesia dan temasok ke dalam 7 gunung tertinggi di dunio. Puncak ko berado di Kabupaten Puncak Jaya, Papua Tengah, Indonesia. Puncak Jaya adolah bagian dari Pegunungan Jayawijaya yang membentang sampe negaro Papua Nugini yang ado di Pulau Irian dan mempunyoi salju yang dikenal abadi.[1]
Tinggi dari Puncak Jayawijaya ko adolah 4884 mdpl dan disekitarnyo tedapat gletser. Gletser tesebot memberikan banyak manfaat bagi wargo sekitar karno terdapat anak sungai yang dak pernah mati alias selalu ngalir aeknyo. Sumber aek segar inilah yang banyak dimanfaatin masyarakat untuk bertani. Namun, beberapo waktu belakangan gletser tesebot perlahan-lahan mencair. Pencairan ini berhubungan dengan naiknyo suhu udaro di puncak dan kareno perubahan iklim global. Ditambah lagi dengan iklim di Indonesia yang duo musim semakin mempercepat pencairan gletser yang ado di puncak.[1]
Sejarah
[edit | edit source]Pegunungan Jayawijaya ko diperkirakan terbentuk kareno benturan antaro lempeng benuo Australia dengan lempeng Pasifik pado zaman Miocene Tengah. Diperkirakan kejadian iko terjadi sekitar 15 juta tahun yang lalu. Dari penjelasan arkeolog diperkirakan pegunungan ko termasok ke dalam pegunungan dengan usio yang mudo. Usio pegunungan dapat ditengok dari kondisi lerengnyo dimano pegunungan Jayawijaya mempunyo lereng-lereng curam. Lereng iko menyatokan hampir idak ado gesekan atau terpaan angin dan erosi karno hujan. [3]
Namo Piramida Carstensz diambek dari sejarah pado tahun 1623, ketiko itu pelaut Belando benamo Jan Carstensz menengok dari teropongnyo kalau ado gunung yang dilapisi salju di Indonesia. Jan Carstensz menengok gunung tesebot dalam pelayarannyo melintasi pantai selatan Laut Arafura. Namun idak ado yang percayo samo pernyataan tesebut, dan baru terbukti sekitar 300 tahun setelahnyo.[4]
Penyebab Salju yang Menyelimuti
[edit | edit source]Salju yang ado di puncak gunung ko sebenarnyo sangat unik karno ado di daerah tropis. Biasonyo salju muncul di gunung-gunung yang berado di daerah empat musim kayak musim salju, gugur, panas dan semi. Tapi Puncak Jaya ko berbeda. Dengan ketinggian sekitar 4.884 mdpl di bagian puncaknyo terdapat salju yang dingin.[1]
Hal iko sebenarnya terjadi karno kondisi puncak gunung itu dewek. Diketahui kalau temperatur udaro bakalan turun 1 derajat setiap ketinggian 100 meter. Dari pengetahuan ini sebenarnyo dapat kito hitung dengan tinggi 4.884 mdpl mako suhu di Puncak Jayawijaya biso turun sekitar 49 derajat celcius. Kalau diambek contoh, misalnyo temperatur di pantai adolah 30 derajat celcius mako suhu yang ado di puncak sekitar minum 19 derajat celcius. Ikolah yang menyebabkan salju muncul kareno salju cuman biso muncul ketika suhu di bawah 0 derajat celcius.[1]
Selain di Puncak Jayawijaya, sebenarnyo ado beberapo gunung yang puncaknyo terdapat salju tapi berado di garis khatulistiwa. Gunung tesebot adolah Sierra Nevada di Andes, Gunung Kenya di Kenya, Gunung Kilimanjaro di timor laut Tanzania, dan jugo Ruwezori di Afrika.[1]
Namo Lain
[edit | edit source]Ado beberapo namo yang lain dari puncak iko yaitu:
- Piramida Carstensz
- Gunung Carstensz
- Puncak Carstensz
- Puncak Jayadikesuma
- Gunung Soekarno
- Nemangkawi (dalam Bahaso Amungkal)
- Ngga Pulu (“Ngga” berarti gunung)