Wp/jax/Gulai Tepek Ikan
Gulai Tepek Ikan adolah makanan khas yang berasal dari Jambi, Indonesia. Makanan iko biasonyo ado waktu ado acaro, kayak pernikahan, kenduri, atau acaro adat lainnyo. Gulai tepek ikan ko merupokan makanan yang berasal dari ikan dan sajikan samo kuah gulai. Provinsi Jambi merupokan daerah yang dekat samo Sumatra Selatan dan Sumatra Barat. Makanan yang paling terkenal dari Sumatra Selatan adolah pempek, sedangkan makanan yang terkenal dari Sumatra Barat adolah gulai.[1]
Namo “tepek” yang ado itu sebenarnyo sesuai dengan caro pembuatan makanan iko. Caro pembuatannyo adolah dengan “ditepek-tepek” atau “dipipihin”. Bentuknyo kayak jajar genjang dan ukurannyo kecik-kecik. Biasonyo masyarakat Sebrang Kota Jambi sering masak Tepek Ikan waktu ikan lagi banyak nian.[2]
Tepek ikan ko merupokan gabungan dari keduo makanan tersebut, bentuknyo kayak pempek tapi dimakan samo gulai, bukan cuko.[1] Tepek ikannyo tebuat dari ikan tenggiri atau ikan gabos, hal iko karno di Jambi hargo keduo ikan tu murah dan mudah di dapatnyo. Kuah gulai yang dipakek pun kayak kuah kare yang pakek daun kare.[3]
Bahan Pembuatan
[edit | edit source]Tepek Ikan
[edit | edit source]Bahan tepek ikan adolah: [3]
- Ikan tenggiri atau gabus yang udah diparut sebanyak 250 gram, jangan lupo ambek dagingnyo bae.
- Beras ketan 1 cangkir bae dan direndam biak waktu digiling cepat halusnyo.
- Tepung sagu.
Kuah
[edit | edit source]Bahan kuahnyo adolah: [3]
- Bawang merah dua bijik
- Bawang putih duo bijik
- Cabe merah besak sikok
- Cabe merah kecik sikok
- Kunyit
- Daun kare
- Lengkuas yang halus
- Cabe kering sikok
- Garam
- Gulo
- Santan
- Sereh sikok batang
- Daun lengkuas
Caro Membuat
[edit | edit source]Tepek Ikan
[edit | edit source]Caro buat tepek ikan: [3]
- Campurin ikan tenggiri yang udah diparot, beras ketan yang udah digiling, samo tepong.
- Aduk sampe rato.
- Masukin ke dalam cetakan lalu kokos selamo 30 menit. Usahokan waktu dikokos tutupnyo dibukak dikit atau ganjal pakek kain biak aek yang ado idak keluar.
- Tepek yang udah matang idak lembek lagi dan teksturnyo jadi kenyal.
- Angkat tepek dan didinginkan. Kalau udah dingin, potong tepek.
Kuah
[edit | edit source]Caro buat kuahnyo: [3]
- Halusin semuo bumbu jadi satu.
- Tumis bumbu halus pakek api kecik.
- Kalau udah, kasih aek segelas samo santan duo sendok
- Masukin sereh
- Masak sampe mendidih
- Masukin tepek ikan yang udah dibuat sambil diadok biak santan idak pecah
- Gulai tepek ikan siap dimakan
Daftar Pustaka
[edit | edit source]- ↑ 1.0 1.1 Andi Annisa Dwi Rahmawati (22 April 2016). "Gulai Tepek Ikan Jadi Suguhan Tradisi Khas Jambi". Detik.com. Diakses pada 9 Mei 2021.
- ↑ Hafid Arsyid (5 Januari 2021). "Yummy, Lezatnya Gulai Tepek Ikan Khas Jambi yang Penuh Gizi". Genpi.co. Diakses pada 9 Mei 2021.
- ↑ 3.0 3.1 3.2 3.3 3.4 Desy Susilawati (18 Agustus 2017). "Gurihnya Gulai Tepek Ikan Khas Jambi". Republika.co.id. Diakses pada 9 Mei 2021.