Wp/jax/Dendeng Balado

Dendeng balado adolah salah satu dari makanan orang Minangkabau. Makanan sikok ko merupokan makanan yang khas dari Sumatra Barat, Indonesia. Dendeng balado merupokan makanan yang tediri dari dageng sapi yang dieres tipis dan renyah yang jugo disiram samo sambal balado samo minyak yang kemerahan.

Tekstur renyah dari dendeng ko sebenarnyo dari irisannyo yang tipis. Selain itu, daging dijemor atau dibentangin di dekat tungku di dapur. Ikolah merupokan caro untuk ngerengin dageng pelan-pelan.

Bahan-Bahan

Bahan daging

• 500 gram daging has dalam
• 3 bijik asam kandis
• 1.000 ml aek
• 500 gram minyak

Bumbu halus

• 5 bijik bawang poteh
• 1 sdm ketumbar
• 2 cm jahe
• 1 sdt garam

Bahan sambal

• 12 bijik bawang merah
• 15 bijik cabe merah besak
• 3 buah tomat merah, belah jadi empat
• 100 ml aek
• 150 ml minyak buat numis
• 1 sdt garam
• 2 sdt gulo paser
• 4 lembar daon jerok, buang tulangnyo

Caro Pembuatan

Dendeng

1. Halusin dulu bawang poteh, ketumbar, jahe, samo garam, sisihin.
2. Balur dageng dengan asam kandis samo bumbu halus, lalu rebos sampe dageng lembut.
3. Kalau sudah lembut, angkat dageng dan tunggu sampe dingin. Kalau udah dingin, iris tipis dageng, usahoan searah samo serat. Setelah itu, tokok dageng biak semakin tipis dan lebar.
4. Panasin minyak goreng di atas kuali, dan goreng dageng sapinyo sampe kereng.

Sambal

1. Ulek kasar bawang merah, cabe merah, samo tomat.
2. Masak cabe yang udah diulek tadi dengan minyak dan tambahin garam, gulo samo aek. Masak dengan api kecik sampe aek sorot dan kalau udah sorot masukin daon jerok dan adok sampe aromanyo keluar.
3. Masukin daging ke dalam sambal yang udah matang, dan adok sampe rato. Dendeng siap dimakan.