Wp/jat/حضرت محمد مصطفیٰ صلی اللہ علیہ و آلہٖ و سلم
ابو القاسم حضرت محمد بن عبد اللہ بن عبد المطلب صلی اللہ علیہ و آلہٖ و سلم (12 رٻیع الاول عام الفیل / 8 ڄون 570ء یا 571ء – 12 رٻیع الاول 10ھ / 8 ڄون 632ء) اللہ تعالیٰ دے آخری نبی تے رسول ہن۔ آپ صلی اللہ تعالیٰ علیہ و آلہٖ و سلم دی کنیت ابو القاسم ہے۔ مسلماناں دے عقیدے دے مطابق حضرت محمد صلی اللہ علیہ و آلہٖ وسلم اللہ دی طرفوں انسانیت دی ڄانٻ بھیڄے ونڄݨ والے انبیاء کرام دے سلسلے دے آخری نبی ہن جنہاں نوں اللہ تعالیٰ نے اپݨے دین دی درست شکل انساناں دی ڄانٻ آخری وار پہنچاوݨ لئی دنیا اچ بھیڄا۔ انسائیکلوپیڈیا ٻریٹانیکا دے مطابق آپ صلی اللہ علیہ و آلہٖ و سلم دنیا دے تمام مذہبی شخصیات وچوں سب توں کامیاٻ شخصیت ہن۔
لفظ "محمد"ﷺ دے معنی[edit | edit source]
لفظ "محمد" عربی زبان دا لفظ اے ایندے معنی "جنہاں دی تعریف کیتی ڳئی" ہن۔ اے لفظ اپݨی اصل حمد توں ہے جیندا مطلب اے تعریف کرݨا۔
لقب[edit | edit source]
حضرت محمد صلی اللہ علیہ و آلہٖ و سلم نوں رسول، خاتم النبیین، حضور اکرم، رحمت للعالمین تے آپ صلی اللہ علیہ و آلہٖ و سلم دے القابات نال وی یاد کیتا ڄاندئے۔ اپݨی سچائی ، دیانت داری تے شفاف کردار دی وجہ کولوں آپ صلی اللہ علیہ و آلہٖ و سلم عرب قبیلیاں اچ صادق تے امین دے القاب نال سنڄاݨے ڄاوݨ لگ ڳئے۔ ایندے علاوہ وی آپﷺ دے ٻہوں ناں تے القاب ہن۔
حلیہ مبارک[edit | edit source]
ابن عباس نے رسول صلی اللہ علیہ وآلہٖ و سلم دا حلیہ ایویں بیان کیتئے: جسامت قد و قامت دوہیں معتدل تے درمیانے ہن (جسم نہ زیادہ فربہ تے نہ دبلا پتلا، ایویں ہی قد نہ زیادہ لمبا تے نہ چھوٹا بلکہ معتدل) آپﷺ دا رنگ صاف گندمی سفیدی مائل، اکھیاں سرمگیں، خندہ دہن، خوبصورت ماہ تابی چہرہ، داڑھی نہایت گنجان جیہڑی پورے چہرہ انور دا احاطہ کیتے ہوئے تے سینے دے ابتدائی حصے تے پھیلی ہوئی ہائی۔
خاندان مبارک[edit | edit source]
آپ صلی اللہ علیہ و آلہٖ و سلم دا تعلق قریش عرب دے معزز ترین قبیلہ بنو ہاشم نال ہا۔ اس خاندان دی شرافت، ایمانداری تے سخاوت بہت مشہور ہائی۔ ایہ خاندان حضرت ابراہیم علیہ السلام دے دین تے ہا جس نوں دینِ حنیف آکھدے ہن۔ آپ صلی اللہ علیہ و آلہٖ و سلم دے والد حضرت عبداللہ بن عبدالمطلب رضی اللہ عنہ اپنڑی خوبصورتی لئی مشہور ہن مگر انہاں دا انتقال آپ صلی اللہ علیہ و آلہٖ و سلم دی ولادت باسعادت توں چھی مہینے پہلے ہو گیا ہا۔ والدہ دا ناں حضرت آمنہ بنت وہب رضی اللہ عنہا ہا جیہڑے قبیلہ بنی زہرہ دے سردار وہب بن عبدمناف بن قصی بن کلاب دی صاحبزادی ہن۔ یعنی انہاں دا شجرہ انہاں دے شوہر سیدنا عبداللہ بن عبدالمطلب رضی اللہ عنہ دے نال عبد مناف بن قصی تے مل ڄاندئے۔ آپ صلی اللہ علیہ و آلہٖ و سلم دے دادا عبدالمطلب قریش دے سردار ہن۔ آپ صلی اللہ علیہ و آلہٖ و سلم دا شجرہ نسب حضرت عدنان نال جا ملدئے جیہڑے حضرت اسماعیل علیہ السلام ابن حضرت ابراہیم علیہ السلام دی اولاد وچوں ہن تے مشہور ترین عرباں وچوں ہن۔ حضرت عدنان دی اولاد نوں بنو عدنان آکھیا جاندئے۔ ایہ شجرہ پاک ایویں ہے:-
سیدنا محمد صلی اللہ تعالیٰ علیہ وآلہٖ و سلم بن عبداللہ بن عبدالمطلب بن ہاشم بن عبد مناف بن قصی بن کلاب بن مرہ بن کعب بن لوی بن غالب بن فہر بن مالک بن نضر بن کنانہ بن خزیمہ بن مدرکہ بن الیاس بن مضر بن نزار بن معد بن عدنان۔ سیدنا محمد صلی اللہ تعالیٰ علیہ وآلہٖ و سلم بن عبداللہ بن عبدالمطلب بن ہاشم بن عبد مناف بن قصی بن کلاب بن مرہ بن کعب بن لوی بن غالب بن فہر بن مالک بن نضر بن کنانہ بن خزیمہ بن مدرکہ بن الیاس بن مضر بن نزار بن معد بن عدنان۔
"مکی زندگی"[edit | edit source]
ولادت باسعادت[edit | edit source]
آپ صلی اللہ تعالیٰ علیہ وآلہٖ و سلم دی ولادت باسعادت مشہور عام تاریخ دے مطابق 12 ربیع الاول عام الفیل بمطابق 570ء یا 571ء نوں ہوئی۔ آپ صلی اللہ تعالیٰ علیہ وآلہٖ و سلم دی ولادت باسعادت تے معجزات رونما ہوئے جنہاں دا ذکر قدیم آسمانی کتب اچ ہا۔ مثلاً آتشکدہ فارس جیہڑا ہزار سال توں زیادہ عرصے توں روشن ہا او وسم گیا۔ مشکوٰۃ شریف دی ہک حدیث ہے جیندے مطابق حضور صلی اللہ علیہ و آلہٖ و سلم دا ارشاد ہے کہ ' میں صلی اللہ تعالیٰ علیہ وآلہٖ و سلم اس وقت وی نبی ہم جداں آدم علیہ السلام مٹی تے پانڑی دے درمیان اچ ہن۔ میں صلی اللہ علیہ و آلہٖ و سلم ابراہیم علیہ السلام دی دعا، عیسیٰ علیہ السلام دی بشارت تے اپنڑی والدہ ماجدہ رضی اللہ عنہا دا اوہ خواب ہاں جیہڑا انہاں میری ولادت باسعادت دے وقت ڈٹھا تے انہاں وچوں ہک اینجھا نور ظاہر ہویا جیندے توں شام دے محلات روشن وی گئے'۔ جس سال آپ صلی اللہ علیہ و آلہٖ و سلم دی ولادت باسعادت ہوئی، اس توں پہلے قریش معاشی بدحالی دا شکار ہن مگر اس سال ویران زمین سرسبز و شاداب ہوئی، سُکے ہوئے درخت ہرے ہو گئے تے قریش خوشحال ہو گئے۔ آپ صلی اللہ علیہ و آلہٖ و سلم دی تاریخ ولادت باسعادت دے بارے اچ دیگر روایات وی ہن۔ اہل سنت دے نزدیک زیادہ روایات 12 ربیع الاول دے ہن اگرچہ کجھ علما 9 ربیع الاول نوں درست منیندن۔ اہلِ تشیع 17 ربیع الاول نوں درست سمجھدن۔ آپ صلی اللہ علیہ و آلہٖ و سلم دا ناں آپ صلی اللہ علیہ و آلہٖ و سلم دے دادا حضرت عبدالمطلب نے رکھا۔ ایہ ناں اس توں پہلے کداہیں نہ رکھیا گیا ہا۔ آپ صلی اللہ علیہ و آلہٖ و سلم دی ولادت مکہ دے علاقے شعب ابی طالب دے جس گھر مبارک اچ ہوئی، اوہ بعد اچ کافی عرصہ ہک مسجد رہی جینوں ہنڑ ہک کتب خانہ (لائبریری) بنڑا دتا گیا اے۔