Wp/isv/Tri knigy Sienkiewicza
Tri knigy Sienkiewicza ili Sienkiewiczova Trilogija jest cikl historičskyh romanov poljskogo pisatelja i lavreata Nobelovoj nagrådy, Henryka Sienkiewicza, tvorjeny lětami 1884-1888, v těčenji råzděla Poljsky. Personaže iz knigy živęt v XVII stolětji, v Republikě Obu Narodov. Sienkiewiczova Trilogija jest najznajemy cikl historičny v Poljskoj.
Sienkiewiczov cikl jest povědka idealizovana, pisana, kako govoril Sienkiewicz, «k ukrěpjenji srdc», imajųća mnogokråtno malo objektivny poględ na onògdašnjų situacijų, prědstavjajųća glåvnyh herojev knigy bliz kako ideal čestnosti, někògda ne ględajųća na historičnų točnosť. Najvelikše spory rodila prva povědka, «Ognjem i Mečem», govoręća ob vrěmenji povzstanja Bohdana Hmeljničskogo.
Trilogija sųt tri knigy:
- Ognjem i Mečem (1884) — poljsko-kozačsko vzajemno odnošenje
- Potop (1886) — švedska okupacija iz 1655 goda
- Gospodin Wołodyjowski (1888) — vojna Republiky Obu Narodov s Turkami