Wp/isv/Тетрис
"Тетрис" (rus.: Тетрис) јест видеоигра-главоломка, ктору створил совєтскы инженер Алексеј Пажитнов за компјутер Електроника-60. В часу створјенја концепције игры Пажитнову помагали Дмитриј Павловски и Вадим Герасимов. Игру опубликовали ред компаниј на нєколикых платформах за час јеј јествованја послє борбы за јеј авторске права в концу 1980[trěba iztočnik]. годов. Послє долгого периода публикованја игры компанијеју Nintendo права прєшли к самому Пажитнову в 1996 году, кторы основал The Tetris Company.
В "Тетрису" играчу трєба створити полне чркы чрєз прємешченје фигур разных форм, тетроминов, кторе падајут од врха до дола екрана. Полне чркы изчезајут, а играч достаје пункты и имаје можливост изнова додати чтоколи до пустых клєток. Игра немаје конца: играч проигрываје игру, когды хот бы једно тетрамино достаје врха екрана. Играчу трєба избєгнути того како можливо должеје дља доставанја максималного резултата. В случају игры с 2 играчами и выше, цєљ игры јест прєжити својих противников; в нєкторых верзијах играчи могут додати кары противникам, ако ли имајут дост число полных чрок.
"Тетрис" основана на простых правилах и јест једна из великых класичных игр в хисторији видеоигр, разом с Pong, Space Invaders и Pac-Man. Игру адаптовали на вечинство играчных орудиј, вкључајучи компјутеры, играчне консољи и телефоны. Понєкторе верзије вкључајут таке измєны, како 3Д, систему одложенја фигур и многопољзоватељскы режим.
К 2010 году в свєту были продане выше 170 милионов копиј "Тетрис" од 1984 года[trěba iztočnik]. "Тетрис" јест доступны за выше 65 платформ, а јего верзија на Game Boy јест једна из највыше проданых игр на платформє с выше 35 милионами копиј. В априљу 2014 года было анонсовано, же игра имаје выше 425 милионов достав на телефонах од 2005 года[trěba iztočnik]. Тетрис имаје популарност в културє и јего слава имаје простор внє видеоигр, в архитектурє, музикє и косплеју.
Играчне фигуры
[edit | edit source]Фигуры в "Тетрису", кторы јест основа игры, сут тетромины. Име фигур измењјали в разны час: хот математики прєдпочитајут вариант "тетромино", игры "Тетриса" в 1990. лєтах користали разне термины: блокы, тетрамино и т. д. Починајучи с 2000 годов официалны термин компаније "Тетрис" в их правилах игры јест "тетримино". Јествује 7 разных форм тетроминов, все сут основане на сборкє 4 квадратов, одкуда произходи слово "Тетрис" по грєчскому префиксу тетра-, кторы значи "четыри". Играч може поврачати все блокы на 90° градов налєво или направо нєколико раз, зависно од верзије игры, и помєшчати ју в потрєбну позицију, допока она опадаје.
| Форма | Назва | Ине назвы | Конструкција |
|---|---|---|---|
 |
Тетромино I | "Пала", "обычајны", "долгы" | 4 квадрата в чркє. |
 |
Тетромино O | "Квадрат", "блок", "куб" | Метаквадрат 2×2. |
 |
Тетромино T | "Те" | 3 квадрата в чркє и 1 квадрат в центру. |
 |
Тетромино L | "Л", "ламбда" | 3 квадрата в чркє и 1 квадрат под лєвоју страноју. |
 |
Тетромино J | "Обратна Л", "гамма" | 3 квадрата в чркє и 1 квадрат под правоју страноју. |
 |
Тетромино Z | "Покошены" | Метаквадрат 2×2, але врхны ред јест двиганы на једин квадрат влєво. |
 |
Тетромино S | "Обратны покошены" | Метаквадрат 2×2, але врхны ред јест двиганы на једин квадрат вправо. |
Все тетромины могут заполнити минимум 2 чркы: за изкљученјем Тетромино I всих јих потрєбно помєстити на 2 или 3 чркы, что позваљаје играчу сдєлати крокы, кторе дадут выше пунктов. Тетромины J и L зајмајут 3 чркы послє 90-градној или 270-градној ротације. Сходно Тетромино I може заполнити до 4 чрок вертикално, что јест знано како крок "Тетрис".
Кажда из 7 фигур имаје собствены колор, и нєктори играчи користајут колоры дља назвы фигур. Једнако в раных верзијах игры колор каждој фигуры одличал се. Да бы избєгти того проблема компанија "Тетрис" додала колор каждој фигурє в својих правилах игры.
Внєшње линкы
[edit | edit source]- Официалны сајт "Тетриса"
- Tutoj članok imaje prěvod iz članka "Tetris" v Vikipediji na francuzskom (spis avtorov; dozvoljeńje CC BY-SA 4.0).