Wp/isv/Росијско-украјинска војна

Ход росијского вломјенја в Украјину с 2022 года. Жолтым оземја Украјины, кторе сут под јеј контролоју, чрвеным сут оземја, кторе окуповала Росија.

Росијско-украјинска војна (rus.: российско-украинская война; ukr.: російсько-українська війна) иде меджу Росијеју и проросијскыми сепаратистами и Украјиноју с фебруара 2014 года. Росија почела спор скоро послє украјинској Револуције гордости в 2014 году и најпрво вела јих односно политичного станја Крыма и Донбаса, кторе меджународно сут познане како чест Украјины. Росијско војско окуповало Крым в фебруару 2014 года и в марцу Росија анексовала Крым. Скоро в Украјинє почела се војна в Донбасу, в кторој Росија подпирала сепаратистов.

До 2022 года војна шла главно на оземјах Крыма и Донбаса. В 2021 году росијско војско почело сбирати се на украјинскых границах, что толмачили како знак будучего вломјенја. 24 фебруара 2022 года, послє одврганја можливости вломјенја, Росија втргнула в Украјину.

Росијске дєјанја в Украјинє были осуджеными меджународној сполочностју за нарушенја суверенитета Украјины. Многе државы додали санкције против Росије вслєд јеј нелегалној анексије Крыма и росијского вломјенја в 2022 году. Својими дєјанијами Росија такоже нарушила Будапештскы меморандум 1994 года и договор о дружбє с Украјиноју 1997 года, кторыми она обвезывала се поважати суверенитет и оземискы интегритет Украјины.

Внєшње линкы

• Tutoj članok imaje prěvod iz članka "Russo-Ukrainian War" v Vikipediji na anglijskom (spis avtorov; dozvoljeńje CC BY-SA 4.0).