Wp/isv/Rodnověrstvo
Rodnověrstvo abo slovjanověrstvo – sučasna religija, kaka jest osnovana na duhovině i mitologiji slovjanskyh ljudij. Religioznalci uznajut ju etničnym věrozakonom.[1] a takože novym ruhom religioznym[2] Rodnověrstvo ne imaje ni vrhovnoj struktury[3] ni prijemlivoj vlady věrozakonnoj,[4] a takože harakterizuje se velikoju raznorodnostju vo kvestijah věry i praktiky.[5]
V bogoslovnom plastu rodnověrstvo najčestěje prijmaje panteizm i mnogobožstvo – kult mnogočislnyh božstv i prědkov, a takože prirody, kaka je odbirajema vo kontekstu slovjanskoj kultury. Věra i praksa rodnověrnikov jest osnovana na historičnyh, arheologičnyh i etnografičnyh resursah o slovjanskom věrozakonu, a takože obyčajah městnyh spoločnostij, kake sut žive dodnes – vsekako byvajut izklučenja od tyh principov. Někoje rodnověrske skupiny prijmajut tož elementy hinduizma i historičnoj vedskoj religije,[2] a takože elementy, ktore izvodet iz věr davnyh plemen, ktori běhu žili prěd slovjanskym oseljenstvom (abo iz njim běhu pronikali se), napriklad ljudstvo germansko, baltsko (Prusi) a daže keltsko.[6]
Iztočniky[edit | edit source]
- ↑ https://web.archive.org/web/20170707165302/http://www.svevlad.org.rs/rodoved_files/petrovic_qualification%20_of_slavic_rodnovery_in_scientific_literature.pdf
- ↑ 2.0 2.1 Aitamurto 2016, s. 13.
- ↑ Gaidukov 2013, s. 316.
- ↑ Shizhenskii i Aitamurto 2017, s. 120.
- ↑ Aitamurto 2016, s. 65.
- ↑ Ratomir Wilkowski. Rozważania o wizerunku rodzimowierstwa na przykładzie. „Gniazdo. Rodzima wiara i kultura”. 2(7)/2009, ISSN 2081-9072.