Wp/isv/Planetfall
| Obča informacija | |
|---|---|
| Tip | Videoigra |
| Razrabotnik | Infocom |
| Aparatna platforma | Amiga, Amstrad CPC, Apple II, Atari 8-bit, Atari ST, Commodore 64, Macintosh, MS-DOS, TI-99/4A, TRS-80, CP/M, PC-9801, NEC APC, Apricot PC |
| Jezyk interfejsa | anglijsky |
| Aparatna platforma | Amiga, Amstrad CPC, Apple II, Atari 8-bit, Atari ST, Commodore 64, Macintosh, MS-DOS, TI-99/4A, TRS-80, CP/M, PC-9801, NEC APC, Apricot PC |
| Publikacija | |
| Poslědna versija | Solid Gold (1988) |
Planetfall jest naučno-fantastična kompjuterna igra v žanru interactive fiction, koju izpustila kompanija Infocom v 1983 lětu i avtor ktoroj je Steven Meretzky. Prva versija je imala versije za Apple II, Atari 8-bit, TRS-80 i IBM suměstime/kompatibelne kompjutery. Igra koristaje virtualnu mašinu Z-machine.
Arthur Byron Cover je napisal po igrě jednoimennu knigu v žanru humorističnoj fantastiky v 1988 lětu.
Skaz
[edit | edit source]Na početku igry igrač imaje rolu malogo oficera sedmogo klasa na kosmičnom korabu zvězdnogo patrula Feinstein. On povinen je čistiti korab i ta rabota jego umorjaje, za čto on hče odhoditi od služby na korabu. Ibo to ne jest to, čego jemu rěkli rekruteri pri najmu na Galliumu. Ale na korabu neočekivano sut slučili se izbuhy/eksplozije i heroj ide do spasatelnyh kapsul, jedna iz kojih prizemjila se na blizkoj planetě. Na planetě igrač vidi elementy někakoj civilizacije, ale razumnih subjektov ne. S pomočju robota Flojda (Floyd) igrač uznaje tajny žiteljev planety. Javjaje se, že obitatelji planety vošli vo anabioz za smrtelnoj čumy i mora. V toj že čas robosistemy struktur žiteljev stvorjali lěk i k času prihoda igrača na planetu praktično skončili to delo. Ale planeta je prěd izniščenjem - jeja orbita je se izměnila za čto uravenj morej povysil se i na planetu letajut meteority; kompjuterne sistemy, koje sut povinneny držati vsečto v stanju normy ne sut sposobne na rabotu. Igrač povinen remontovati sistem na komunikaciju/svez, obranitelnu sistemu planety i sistem za kontrol kursa.
Igrač može umreti za hvoroby/bolěznji. Ako li igrač bude najdti lěk, to on bude ozdravjen. Ale uravenj vody dělaje se vyše i zemjenoj povrhnosti stanovi se malo.
Kogdy igrač remontuje vse sistemy, žitelji planetu probudžajut se i izlěčivajut se. Ale ako li sistem kontrola kursa ne jest remontovany, togdy za neizměnu orbity planeta plavi se vo zvězdě. Ježeli kontrol kursa remontovan, ale druge sistemy ne, togdy heroj ostaje na planetě, ibo korab zvězdnogo patrula izniščaje se sistemom obranjenja planety ili do njego nemožno ustanoviti sjedinjenje/svez za slomjenu komunikacijnu sistemu. Ale ako li vse sistemy pracujut, to obitatelji planety blagodaret jego, kako heroja, a igrač takože dobyvaje vysoky čin/zvanje/rang.
Igra
[edit | edit source]Igra jest cělnopolno tekstova. Upravjenje ide s pomočju vvodženja komand na anglijskom jezyku i dostaje odpověd od igry na reakcije. Sistem razpoznavanja komand v igrah Infocom je byla najmočna na čas izhoda tutoj igry.
Igra rabotaje na Z-machine, za čego ona je byla portovana na mnoge sistemy.