Jump to content

Wp/isv/Nacionalsocialistična němečska rabotničska partija

From Wikimedia Incubator
< Wp | isv
Wp > isv > Nacionalsocialistična němečska rabotničska partija
Nacionalsocialistična němečska rabotničska partija
Nationalsozialistische Deutsche Arbeiterpartei (NSDAP)

Logotip partije

Simbol NSDAP: orel s svastikoju
Politična partija v Němciji
Ideologija nacionalsocializm
Vodž Adolf Hitler
Založenje 24 fevruara 1920
Likvidacija 10 oktobra 1945
Prědhodnik Němečska rabotničska partija (DAP)
Členstvo 8,5 milionov (1945)[1]
Mladežna organizacija Hitlerjugend, Bund Deutscher Mädel
Kolory partije koričnevy
Glavno sědališče München

Nacionalsocialistična němečska rabotničska partija (něm.: Nationalsozialistische Deutsche Arbeiterpartei, NSDAP) byla politična partija v Němciji v času Vejmarskoj Republiky i Tretjego Rajha.

Historija

[edit | edit source]

Partija byla založena v 1919 g. pod nazvoju Němečska rabotničska partija (něm.: Deutsche Arbeiterpartei, DAP) i prěimenovana na Nacionalsocialistična němečska rabotničska partija v 1920. Program i ideologija NSDAP harakterizovali se krajnym nacionalizmom, radikalnym antisemitizmom i odkydanjem demokracije i komunizma, a partija byla strogo organizovana na osnově principa vodža (něm.: Führerprinzip). Prědsědateljem i vodžem partije stal v 1921 g. pozdnějši kancler Adolf Hitler. V periodu od 1933 do 1945 g. Němcija byla diktatura, v ktoroj NSDAP byla jedina dozvoljena politična partija. Obdobje vladanja NSDAP harakterizovalo se terorom, totalnoju kontroljeju nad narodom, prěslědovanjem i masovym ubijstvom Jevrejev, a takože dějanjami s naměrom pokorjenja drugyh krajev v Evropě.

V 1945 g., poslě Vtoroj vsesvětskoj vojny i podčas Nürnbergskyh procesov, sojuzniki iz antihitlerovskoj koalicije kvalifikovali NSDAP kako prěstupnu organizaciju. NSDAP byla razpuščena i zabranjena. Od založenja Federalnoj republiky Němcije v 1949 g. vsekako verbovanje ili promovanje nacističnyh idej posrědstvom tekstov, slov, znakov i drugyh simbolov jest tam zabranjeno.

Važne osoby

[edit | edit source]

Srěd najvažnějših osob v NSDAP byli, kromě samogo Hitlera: Rudolf Hess (zastupnik prědsědatelja partije), Joseph Goebbels (minister propagandy), Hermann Göring (premier-ministr Prusije i glavnokomandujuči vojennoj aviacije), Alfred Rosenberg (glavny filozof partije i minister okupovanyh vozhodnyh teritorij), Heinrich Himmler (glavnokomandujuči policije i SS, pozdněje minister vnutrišnjih děl), Ernst Röhm (glavnokomandujuči SA, Martin Bormann (šef kancelarije NSDAP) i Joachim von Ribbentrop (ministr vněšnjih děl).

Rezultaty v izborah

[edit | edit source]
Izborne rezultaty NSDAP v 1933 g.
Rezultaty NSDAP v parlamentarnyh izborah v lětah 1924–1933 (v procentah)[2]

Galerija

[edit | edit source]
  • Izborny plakat NSDAP
    Izborny plakat NSDAP
  • Koričnevy dom – Centralno sědališče NSDAP v gradu München
    Koričnevy dom – Centralno sědališče NSDAP v gradu München
  • Shodka členov NSDAP v 1922 g.
    Shodka členov NSDAP v 1922 g.
  • Sjezd NSDAP v 1937 g. v Berlinu
    Sjezd NSDAP v 1937 g. v Berlinu

Iztočniky

[edit | edit source]
  1. ↑ McNab, Chris (2011). Hitler's Masterplan: The Essential Facts and Figures for Hitler's Third Reich. Amber Books Ltd. str. 22–23. ISBN 978-1907446962.
  2. ↑ A New Illustrated History of the Nazis. 2005. str. 46.

Retrieved from "https://incubator.wikimedia.org/w/index.php?title=Wp/isv/Nacionalsocialistična_němečska_rabotničska_partija&oldid=6403384"