Wp/isv/Liberland
| ang.: Liberland | |
 | |
| Obča informacija | |
|---|---|
| Polna nazva | Svobodna republika Liberland ang.: Free Republic of Liberland |
| Služebne jezyky | anglijsky[1] |
| Statistika | |
| Plošča | 7 km² |
| Tvrdima valuta | liberlandsky merit (kriptovaluta) |
 | |
Liberland, služebno Svobodna republika Liberland, jest minidržava vazglašena v Aprilu 2015 ot grupy Čehov pod voditelem Vitom Jedličkom na teritoriji približno 7 kvadratnih kilometrov medžu Hrvatskoju i Srbijeju na zapadnom bregu Dunava bliz Zmajevca (Hrvatija) i Bačkogo Monošora (autonomna oblast Vojvodina, Srbija).
Na nektorih kartah jest tuta oblast nazyvana Gornja Siga. Oblast leži v prostoru, kde reka Dunav premenila svoju poziciju hrvatskogo (zapadnogo) i srbskogo (vazhodnogo) brega.
Srbija uznavaje državnu granicu ot dnešnoj pozicije reky. No Hrvatska uznavaje državnu granicu ot istoričnih katastrov, ktori sut v liniji staroj pozicije reky, zatože stara pozicija reky je byla vyše izlomena i popadala v bolšej časti do vazhoda krome maloj oblasti Siga, kde jest obratna situacija, bo oblast Siga popadaje zapadno ot dnešnogo brega i vazhodno ot starogo brega.
Ot hrvatskogo uznavanija (stara linija reky) jest Siga v Srbiji, no ot srbskogo uznavanija (dnešna linija reky) jest Siga v Hrvatske. V rezultatu ovu oblast ne hoče ni Hrvatska ni Srbija i oblast jest zemja nikogo (terra nulius), čto je koristil Vit Jedlička, ktory govori, že drži zemju mimo Hrvatsku i mimo Srbiju.
Mottom Liberlanda jest: "Žiti i dovoliti žiti." Jedlička govori, že hoče sotvoriti občinu, kde počestni ljudi možut prosperovati bez nepotrebnih državnih zakonov i podankov.
Iztočniky
[edit | edit source]- ↑ Godsil, Jillian (30 mareca 2020). "Liberland celebrates 5th Anniversary on April 13, 2020". Liberland Press. Data dostupa: 27 maja 2020.