Wp/isv/Lech Wałęsa
Lech Wałęsa (Popovo, 29 septembra 1943) jest poljsky političny dějatelj, ktory od 1980 do 1990 goda byl lider svobodnogo profsojuza Solidarnost. Za svoju rabotu dlja demokratičnoj opozicije protiv komunističnogo režima dostal v 1983 godu Nobelovu nagradu za mir. Poslě razrušenja komunističnoj sistemy v Poljskě Wałęsa byl prvy demokratično izbrany prezident postkomunističnoj Poljsky od 22 dekembra 1990. V 1995 godu proigral prezidentske izbory eks-komunistu Aleksandru Kvasnevskomu, ktory stal jegov naslědnik. V tomže godu on založil Institut Lecha Wałęsy, ale v politikě uže ne byl uspěšny. V 2006 godu izšel iz Solidarnosti, ibo ne soglašal se s jejnym podporom bratov-bliznecev Leha i Jaroslava Kačinskogo, ktori jednočasno byli prezident i premier-minister.