Wp/isv/Discord
.svg)
Diskord (ang.: Discord) jest amerikanska komunikacijna platforma za brzu komunikaciju i glasovy čat. Diskord rabotaje na Vindovsu, MakOSu, Androidu, iOSu, iPadOSu, Linuksu i v veb-prěglědkah. Na 2021 god on imaje vyše 350 milionov registrovanyh koristnikov, iz ktoryh vyše 150 milionov sut aktivne každoměsečno. Glavno Diskord koristajut igrači v videoigry, ale poděl inyh koristnikov raste.
Diskord byl budovany, da by stvarjati i upravjati privatnymi i javnymi občinami. On da koristnikam dostup do takyh komunikacijnyh orudij, kako glasove i video-zovy, postojanne komory za čat, i integracije s inymi servisami za igračev, razom s občej možlivostju posylati osobne poslanja i stvarjati osobne grupy. Koristniki v Diskordu mogut sporazuměvati se v privatnyh čatah ili čestju občin, ktore sut znane kako "servery". Server jest kolekcija postojannyh komor za čat i glasovyh kanalov, dostup do ktoryh možno dostati črěz zvateljne linky (invajty).
Kanaly (channel) v Diskordu mogut koristati se ili za glasovy čat i strimy (streaming), ili za brzy čat i obměn fajlami. Vidimost i dostup do kanalov može byti ograničeny do oddělnyh koristnikov; napriklad, kanal može byti "NSFW" (Not Safe For Work — "nebezpečno za rabotoju"), čto potrěbuje od koristnikov vprvo potvrditi, že jim uže 18 lět i one hočut viděti taky kontent.
Tekstove kanaly podtrimajut něktoru sintaksu na osnově jezyka Markdauna, napriklad *tekst*, da by uděliti tekst, i ||tekst|| za spojlery. Kod takože možno uděljiti osoblivym kolorovańjem za jezyk programovańja.
Vněšnje linky
[edit | edit source]- discord.com — sajt Diskorda
- Server občiny medžuslovjanskogo jezyka v Diskordu
- Tutoj članok imaje prěvod iz članka "Discord" v Vikipediji na anglijskom (spis avtorov; dozvoljeńje CC BY-SA 4.0).