Wp/isv/Rosijska revolucija 1917 goda

Tutoj kratky članok jest v začetku.

Možete pomogti Vikipediji uveličenjem članka. (September 2024)

Rosijska revolucija 1917 goda byla revolucija, privedša ko svrgnutju monarhije i ključnym izměnam v političnoj, socialnoj i ekonomičnoj sistemah Rosije, čto v konečnom izhodu stalo načelom Sovětskogo Sojuza.

Revolucija děli se na dva stupnja: revolucija vtorogo měseca i revolucija desetogo měseca.

Revolucija vtorogo měseca

Revolucija vtorogo měseca ili Fevruarska revolucija jest slučila se v tretjem měsecu 1917-go goda.

Osnovne pričiny

Osnovnymi pričinami revolucije stali nedovoljstvo vojnoju, težko ekonomično položenje, nedostatok jediva, neefektivnost voditeljstva Nikolaja II.

Hod sobytij

V Petrogradu načeli se masove demonstracije i strajky, ktore poddržali vojini stoličnogo garnizona. Imperator Nikolaj II odstupil od prěstola i Rosijska imperija prěstala jestvovati.

Izhod

Vlast prěšla ko Prěhodnoj vladě (rus.: Временное правительство), glavoju ktoroj stal knez Georgij Ljvov, a poslě — Aleksandr Kerensky. Odnako tuta vlada ne smogla rěšiti problemy državy.

Revolucija desetogo měseca

Revolucija desetogo měseca ili Oktobrska revolucija jest slučila se v jedinnadsetom měsecu 1917-go goda.

Osnovne pričiny

Nesposobnost Prěhodnoj vlady vyvesti državu iz krizy, trvajuča vojna, radikalizacija spoločenstva, rast popularnosti boljševikov.

Hod sobytij

Boljševiki pod vodstvom Vladimira Lenina organizovali vooruženo povstanje v Petrogradu, zahvatili Zimovy palac i svrgnuli Prěhodnu vladu.

Izhod

Vlast prěšla k Petrogradskomu sovětu rabotničskyh i vojinskyh prědstaviteljev (rus.: Петроградский совет рабочих и солдатских депутатов), faktično kontrolujemomu boljševikami. Byli proglašene prve ukazy: o miru (vyhod Rosije iz vojny) i o zemji (prědanje zemej seljanam).

Poslědstva revolucije

Po Oktobrskoj revoluciji v državě načela se gradžanska vojna medžu boljševikami (Črveni) i jih protivnikami (Běli, a takože čudžezemni interventi). Byli provedene unarodnjenje prědprijemstv, prěrazporedženje zemij, vvedenje sovětskoj sistemy vlasti.

Po gradžanskoj vojně na ozemji byloj Rosijskoj imperije byl stvorjeny Sojuz Sovětskyh Socialističnyh Republik, ktory stal prvoju socialističnoju državoju na světu.