Wp/isv/Повстанје ОВК Вагнер
Template:Wp/isv/Koristajte kirilicu
Повстанје ОВК Вагнер, такоже знано как повстанје Пригожина (сугласно Пригожину, "марш справєдливости") было повстанје особној војенној компаније "Вагнер" в Росији, кторо почело се 23 јунија 2023 рока послє воззванја властника компаније ОВК "Вагнер" Јевгенија Пригожина против Министерству обраны Росије.
23 јунија Јевгениј Пригожин сказал, же Оружне силы Росије ударили ракетами в базы ОВК "Вагнер", ктора помагала армије Росије в нападу в Украјину. Министерство обраны Росије смєста стврдило, же росијска армија не дєлала удары ракетами в базы ОВК "Вагнер" и сказало, же информација об тых ударах јест "информацијна провокација". Вечером 23 јунија Јевгениј Пригожин фактично почел војенно повстанје в Росији и назвал то "маршем справєдливости". Против њего было почето дєло по чланку о "оружном повстанју".[1]
В часу повстанја повстанци захватили град Ростов-на-Дону фактично без боја и противдєјства од армије, полиције и специалных служб Росије, имајучи в вооруженју вкључно танкы. Чест војинов ОВК "Вагнер" вышла из Ростовској области и пошла в страну Москвы по трасє М4. Приблизно в 10 часин по московскому часу Владимир Путин изступил с воззванјем на телевизији Росије, в ктором назвал дєјанја ОВК "Вагнер" војенным повстанјем и сказал, же вси повстанци будут покарани. За дењ војини ОВК "Вагнер" прошли Воронежску, Липечску и Тулску области Росије с минималным противдєјством од државных сил Росијској Федерације. В Москвє и јешче нєкторых регионах Росије был објавјены режим контртерористичној операције.[2]
Вечером 24 јунија с помочју президента Бєларуси Александра Лукашенко Јевгениј Пригожин договорил се с владоју Росије об завршенју повстанја, војини ОВК "Вагнер" были остановјени за 200 километров од Москвы, они почели врачати се взад, на своје базы.[3] Дєло о повстанју против Пригожина устали 27 јунија 2023 года.[4]
Iztočniky[edit | edit source]
- ↑ Template:Wp/isv/Cite web
- ↑ Template:Wp/isv/Cite web
- ↑ Template:Wp/isv/Cite web
- ↑ Template:Wp/isv/Cite web
Внєшње линкы[edit | edit source]
- Tutoj članok imaje prěvod iz članka Lua error in Module:Wp/isv/Lang at line 15: attempt to index field 'lang_name_table' (a nil value). v Vikipediji na russkom (spis avtorov; dozvoljeńje ).