Wp/isv/Лет 11 American Airlines

Wp/isv/Лет 11 American Airlines
	Схема полета American Airlines 11 11 септембра (вресења) 2001
	Самолет за пет(5) мєсецев до терористичного акта
Обча информација
Дата	11 септембра(вресења) 2001 рока
Час	08:46 EST
Причина	Терористичны акт
Мєсто	Всесвєтовы Трговы Центр (ВТЦ) (Њу Јорк США)
Погынувши људи	Коло 1692 чловєк (92 в самолету + 1366 в Сєверној вєжи ВТЦ + коло 234 на земји)
Самолет
Модел	Boeing 767-223ER
Авиакомпанија	American Airlines
Мєсто вылета	Аеропорт Логан, Бостон
Цєљ лета	Лос-Анджелес
Лет	AAL11
Летны номер	N334AA
Дата изтворјенја	7 априља(цвєтења) 1987 рока

Лет 11 American Airlines 11 септембра (вресења) 2001 рока јест пасажерскы лет, кторы был захвачены терористами и влетєл в сєверну вєжу Всесвєтового тргового центра. То был првы самолет, кторы атаковал ВТЦ. Самолет Boeing 767-223ER авиакомпаније American Airlines изполњал всакоденны лет AAL11 Бостон - Лос-Анджелес из аеропорта Логан в Бостону. Приблизно в 8:46 он влетєл в сєверну вєжу ВТЦ. В резултату напада погынули сут 92 чловєка в самолету и коло 1600 чловєк в вєжи и поблизу јеј.

Чрєз 15 минут послє старта полета терористи почели захват самолета, они поранили 2 стјуардес и једного пасажера (можливо они јего убили), вломили се в летову кабину и убили начелника самолета и второго пилота. Послє терорист Мухаммед Атта, кторы имал лиценцију пилота, почел управјати самолетом и полетєл в сєверну вєжу ВТЦ. Диспечери сразумєли, же лет AAL11 јест в необычном положенју, когда самолет прєстал одповєдати на пытанја. Троху позднєје диспечери услышали посланје Мухаммеда Атты из самолета, кторо он хтєл адресовати пасажерам самолета, але он изкористал неправилну кнопку и посланје услышали диспечери. Послє того стало точно јасно, же самолет јест захвачены. Двє стјуардесы с самолета телефоновали до American Airlines и повєдали об терористах и порањеных људах в самолету.

Самолет влетєл в сєверну вєжу ВТЦ в 08:46:40 EST. Очевидцами напада стали тысечи људиј, ктори в тој час находили се на улицах поблизу ВТЦ. Нєколико камер записали момент удара самолета в вєжу, але најизвєстнєјшим записом стало видео Жјуља Ноде, кторы в час нападов хтєл записывати документалны филм об гаситељах Њу Јорка.

Терористи

В самолету было пет терористов:

Мухаммед Атта (Египт) - имал 33 роков, был лидером терористов на самолету и пилотом.
Валид Аш-Шехри (Саудовска Арабија) - имал 22 роков.
Ваиљ Аш-Шехри (Саудовска Арабија) - имал 28 роков.
Абдулазиз Ал-Омари (Саудовска Арабија) - имал 22 роков.
Сатам Ас-Суками (Саудовска Арабија) - имал 25 роков

Хронологија

Входженје на лет 011

В 06:00 11 септембра(вресења) 2001 главар групы терористов Мухаммед Атта и Абдулазиз Ал-Омари вылетєли од аеропорта Портленда и в 06:45 они прилетєли в Бостон. Подчас входженја в самолет система CAPPS признала Мухаммеда Атту подзирливым чловєком, јего багаж прошел додаточну провєрку охраноју, але ничто незаконно не было најдено. Приблизно в тој же час в аеропорт јавили се остали 3 терористи: Валид Аш-Шехри, Ваиљ Аш-Шехри и Сатам Ас-Суками. В 06:52 пилот-терорист, кторы позднєје буде управјати самолетом United Airlines 175, телефоновал до Атты чрєз внутрны телефон аеропорта Логан, абы потврдити, же план нападов не анулује се.

Од того, же Атта и Ал-Омари сут прилетєли од одругого города, јих багаж не стали провєрјати в аеропорту Логан, терористи без нєкакых проблемов записали се на лет. Працовники аеропорта забезпаметили положити багаж Мухаммеда Атты в самолет, позднєје јего буде најдти полиција.

В 07:40 вси терористи сут зајели своје мєста в самолету. Атта сєдєл на мєсту 8D в бизнес-класу. Такоже в бизнес класу сєдєли Ал-Омари (мєсто 8F), Ас-Суками (мєсто10B) и оба Аш-Шехри (мєста 2A и 2B). По плану лет 011 был повинны вылетєти од аеропорта в 07:45, але самолет запозднил се и выјехал на летну драгу једино в 07:50. В 07:59 EST лет AAL11 вылетєл из Бостона.

Захват самолета

Прво и второ посланја Мухаммеда Атты до пасажеров

Третје посланје Мухаммеда Атты до пасажеров

Комисија разслєдованја терористичных актов рєшила, же терористи почели захвачати самолет в 08:14, когды самолет прєстал одповєдати диспечерам. В 08:13:29 самолет летєл над централным Масачусетсом на вышинє 7900 метров, пилоти совршили поврат на 20° вправо и повєдєли об том Бостонскому центру воздушного управјенја (Boston Air Route Traffic Control Center). В 08:13:47 ARTCC дал наказ пилотам самолета AAL11 подјети се до вышины 10950 метров, але тутој наказ не был изполњены. В 08:16 самолет на вышинє 8850 метров одшел од планованого пута, диспечери усиловали доразумєти се с AAL11, але самолет не одповєдал на јих пытанја и просбы. В 08:21 терористи сут одкључили транспондер и самолет изчезнул од радаров.

В 08:23:38 Мухаммед Атта хтєл сдєлати посланје до пасажеров самолета, але он изкористал неправилну кнопку и јего посланје услышали диспечери.

Јесмо захватили самолеты. Просто сєдите тихо и втогда всечто буде добро. Мы врачајемо се до аеропорта.
Оригинал (Англијскы):

We have some planes. Just stay quiet and you'll be O.K. We are returning to the airport.

Наступно посланје Атты было услышано в 08:24:56

Не двигати се. Всечто буде в поредку. Ако вы будете покусити нєчто сдєлати, вы будете огрозити себе и самолет. Просто сєдите спокојно.
Оригинал (Англијскы):

Nobody move. Everything will be okay. If you try to make any moves, you'll endanger yourself and the airplane. Just stay quiet.

В 08:26 самолет сдєлал јужны поврат на 100° И полетєл в страну Њу Јорка.

В 08:33:59 Атта сдєлал своје послєдње посланје:

Не двигати се, прошу. Мы врачајемо се до аеропорта. Не пробујте дєлати различне глупе дєјанја.
Оригинал (Англијскы):

Nobody move, please. We are going back to the airport. Don't try to make any stupid moves.