Wp/isv/Диалоговы изчислитељны комплекс

Диалоговы изчислитељны комплекс, ДИК (rus.: Диалоговый вычислительный комплекс, ДВК) была серија совєтскых компјутеров 1980 ― 1990 роков. Створјены ДИК је в НИИ точној технологије (НИИТТ) НПО «Научный центр» Зеленограда.

ДИК прєзначали се за користанје како инструменты за разработанје и дебагованје програм вграденых систем; за терминалне апараты в изчислитељных мрежах, информацијных системах, системах сбиранја и обработанја даных.

Првы модел ДИК-1 был разработаны в 1981 року, а был в изпушчанјє од 1983 рока. Изпушчали се в Зеленоградском заводу «Квант» Министерства електроничного промысла СССР.

Архитектурно ДИК повтарјајут миниатурне компјутеры PDP-11 фирмы DEC, но користајут боље нове внутрности.

Все компјутеры серије ДИК програмно и апаратно сумєстимы с серијеју микро-компјутеров Електроника-60, МС 1212, СМ-1425.

Моделы

ДИК-1

ДИК «Електроника Н МС 01100.1» или «Електроника МС 0501» разных модификациј изпушчали се на основє микро-компјутеров МС 1201 и имали такове параметры:

Процесор: Микро-компјутер Н МС11100.1 или МС 1201 (МС 1201.01) на основє микропроцесора К1801ВМ1.
Објем операцијној памети — 48 килобајт.
Вбудованы BASIC или Фокал в користничској постојанној памети с објемом 8 килобајт.
Внєшны носитељ даных: нема.
Алфабетно-цифровы терминал: 15ИЭ-00-013 или 15ИЭ-00-013-01.
Термопечатник 15ВВП80-002, кторы сјединјеје се интерфејсом IFSP.
Брзодєјанство — около 330 тысеч операциј в секунду.
ДИК-1 не поддрживаје инструкције арифметикы с плавајучеју комоју (ang.: floating point).

ДИК-2

ДИК-2 јест ДИК-1, кторы имаје сјединјены дисковод ГМД-7012 и одкључену постојанну памет. Има таке параметры:

Објем операцијној памети — 56 килобајт.
Внєшны носитељ даных: удвојены носитељ на 8-дјујмовых дисках ГМД-7012.
Друге параметры сут тотожне такым од ДИК-1

ДИК-2М

Прве моделы сут имали 48 килобајт операцијној памети. Позднєје јавили се моделы с 56 килобајтами операцијној памети.

Процесор: микрокомпјутер МС 1201.01 на основє процесора КМ1801ВМ1 или МС 1201.02 на основє процесора КМ1801ВМ2.
Внєшны носитељ даных: 2 5-дјујмовых носитељев на гыбкых магнетичных дисках НГМД 6022.
Алфабетно-цифровы терминал: 15ИЭ-00-013.

Контролер НГМД поддрживал подкљученје до 4 носитељев даных.

ДИК-2МШ

ДИК-2МШ јест школна версија ДИК-2М за работче мєсто учитеља за учебне класы КУВТ-86, кторе сут основане на компјутерах БК-0010. Был доставјаны с контролером вслєдного канала КТЛК-4/КТЛК-6 за организацију мрежи учебного класа.

ДИК-3

ДИК-3 был сбудованы корпусом типа «моноблок», кторы содрживал в собє екран МС 6105, блок електроједанја У12.087.314 с мочностју 250 Вт. Оддєлно сјединјала се типковница МС 7004.

ДИК-3 имал в собє:

Плату микрокомпјутера «Електроника МС 1201.02» со процесором КМ1801ВМ2
Плату КНГМД
Плату КСМ (контролера симболного монитора)
Плату КГД (контролера графичного дисплеја)

ДИК-3М

Тута модификација користала:

Плату микрокомпјутера «Електроника МС 1201.03» с основоју процесора КМ1801ВМ3
Контролер КЦГД (контролер колорованого графичного дисплеја)
КМД (контролер магнетичных дисков)
КТД (контролер тврдых дисков; в оригиналу «КЖД» — «контролер жёстких дисков»)
Тврды диск СМ 5508 имал објем 10 МБ.

ДИК-3М2

Монтованы је во алуминијевом корпусу како ДИК-2. Вмєсто дисплеја 15ИЭ-00-013 внєшны монитор МС 6105 и клавиатура МС 7004.

ДИК-4 МС0502.09

Створјены со платоју микрокомпјутера «Електроника МС 1201.02» или «Електроника МС 1201.03» со процесором КМ1801ВМ3, имал колорованы екран МС 6106.01, кторы был вбудованы в компјутерны корпус.

ДИК-4 МС0507.04

Створјены со платоју микрокомпјутера «Електроника МС 1201.04» со процесором КМ1801ВМ3, контролерами екрана КЦГД, вставјеным видеоекраном МС 6106.01, гибкым носитељем даных МС 5305 и тврдым диском МС 5401.

Једноплатне изчислители

Все компјутеры ДИК створјене сут на основє микрокомпјутеров «Електроника МС 1201.ХХ».

Електроника МС 1201.04

Изтворјено је на микропроцесору КМ1801ВМ3. Има операцијну памет с објемом 1 МБ на микросхемах К565РУ7.

Такоже погледајте

Източникы

Внєшње линкы

Инструкција за ОС ДИК на руском језыку — архивована версија
Класичне игры в емулатору ДИК — обзор/прєглед на игровом форуму — архивована версија
Архив програм за компјутеры УК-НЦ, ДИК, БК — архивована версија
Професионалны компјутер «Электроника-Микро» — документ из архива академика А. П. Ершова, 8 декембра 1984 рока — архивована версија
Tutoj članok imaje prěvod iz članka «Диалоговый вычислительный комплекс» v Vikipediji na russkom (spis avtorov; dozvoljeńje CC BY-SA 4.0).