Wp/isv/Vladimir Ujba

Vladimir Ujba v 2019 g.

Vladimir Viktorovič Ujba (rus.: Владимир Викторовия Уйба) (ur. 4 oktobra 1958 v Omsku) jest rosijsky politik, naučnik i lěkar, ktory od 2020 do 2024 byl prezident («glava») Republiky Komi.

Biografija

Ujba urodil se v sibirskom gradu Omsk. Onogda jegovo ime bylo «Valentin», ale v 2010-yh lětah on zaměnil svoje ime na «Vladimir». Iz strany otca jest estonskogo proizhodženja. Dokončil studiju v Državnom medicinskom institutu v Sverdlovsku v 1982-om godu s specializmom lěkar-higienist i epidemiolog. V 2005-om godu on takože stal doktor medicinskyh nauk. On rabotal medžu drugymi lěkarem, direktorom medicinskoj firmy i profesorom. Napisal ok. 250 naučnyh rabot.

Od 2004-ogo do 2020-ogo Ujba byl direktor novo iztvorjenogo rosijskogo Federalnogo medično-biologičnogo agentstva (FMBA). Od januara do aprilja 2020 rabotal krakto kako viceministr zdravoohranjenja Rosije, a v dnju 2-ogo aprilja 2020 g. stal dočasny naslědnik Sergeja Gaplikova kako prezident («glava») Republiky Komi. 13-ogo septembra togože goda Ujba izigral prezidentske izbory v republikě, a 23 septembra odbyla se jegova oficialna inavguracija. Od 3 dekembra 2021 on takože jest sekretar partije Jedina Rosija v Republikě Komi.

V dnju 5-ogo novembra Ujba odstupil prědčasno od dolžnosti prezidenta republiky Komi, a togože samogo dnja prezident Vladimir Putin prijel jegovu odstavku. Jegovym dočasnym naslědnikom stal byvši gubernator Jevrejskogo avtonomnogo okruga, Rostislav Goldštejn.

Vladimir Ujba s Vladimirom Putinom