Wp/isv/Čehoslovakizm
Čehoslovakizm (češ.: Čehoslovakismus; slovač.: Čehoslovakizmus) jest koncepcija, po kotoroj čehi i slovaki jesut jedin narod (čehoslovaki), a ih jezyky sut varianty jedinogo čehoslovačskogo jezyka.
Pojavila se v konce 19-go veka kak reakcija na politiku germanizaciji češskyh i madjarizaciji slovačskyh teritorij. Ju propagirovali kak češske, tak i slovacke politiki, medžu inymi prvy (Tomaš Masarik) i drugi (Edvard Beneš) prezidenty nezavisnoj Čehoslovakiji, a takože slovak Milan Rastislav Štefanik.
Dana koncepcija stala osnovoju dlja tvorenja v 1918 lete nezavisnoj državy Čehoslovakije, a v 1920 lete stala državnoj ideologiju Čehoslovakije po jej konstituciji.
Čehoslovakizm byl služebnoj ideologiju Čehoslovakije vse prve 20 let ju bytija. Napriměr, statistika Čehoslovakije v 1918-1938 letah znala jedino "čehoslovakov", ale ne "čehov" i "slovakov" kak oddelne narody.
Posle Drugoj svetovoj vojny Čehoslovakija opet objedinila se na principah čehoslovakizma, ale v 1948 lete vladu dobyli komunisty, kotore rešili, že mesto jedinogo naroda sut povinne byti dva ravnopravnyh.