Wp/isv/Čarli Čaplin

Čarli Čaplin (ang.: Charlie Chaplin, realněje Čarls Spenser Čaplin (ang.: Charles Spencer Chaplin), urodženy 16 aprilja 1889 v Londonu, umrl 25 dekembra 1977 v Veve) – britansky aktor i režiser slavny iz vrěmen němogo kina. Ikona popularnoj kultury. Jedin iz najslavnějših i najvyše razpoznavajemyh aktorov i režiserov v historije světovogo kina.

Žitje

Urodil se 16 aprilja 1889 okolo 20:00 na East Lane v Walworth v Londonu. Jego otcem byl Čarls Čaplin (ang.: Charles Chaplin), a materju Hanna Harjet Hill (ang.: Hannah Harriette Hill), znana tož kako Lili Harli (ang.: Lily Harley).

Prvy raz na sceně pojavil se v 1894, pěvajuč pěsnju Džaka Džonesa v mjuzikalu dělanom v teatru Kantin v Anderšot. V toj večer v spektaklu igrala jego mati a on čekal na nju za zavěsoju. Kogda Hanna utratila glas hvala hvorobě, direktor izphnul Čarli na scenu i toj počel improvizovati.

Od Oktobra 1977 byl v zlom stańju. Umrl kogda spal, 25 dekembra 1977 v Veve. Iměl malu ceremoniju pogrebańja i pogrebano go na grobišču v Korsier-sjur-Veve v Švejcariji. Tri měseči po pogrebańju někto ukradl tělo Čaplina iz groba, a okolo 56 dnev pozdněje trupa najdeno i pogrebano ješče raz, ale tym razom tělo shranjeno v betonnom sarkofagu.

Filmografija

Čaplin kako aktor igral v bliz 90 filmah.

Nagrady

Čaplin dostal tri Oskary: Blagorodna Nagrada za „vsestrannost i genialnost v aktorstvě, scenariju, režiseriji i produkciji Cirka” v 1929, vtoru Blagorodnu Nagradu za „bezpriměrny vliv, kaky sdělal na tvorjeńje filmov v tom stolětju” v 1972 i nagradu za najlěpše zvuky v 1973 godu za Světla rampy (zajedno s Rejem Rašem (ang.: Ray Rasch) i Larry Russelom). Kromě togo byl nominovany v kategorijah: najlěpši aktor, najlěpši scenarij originalny i najlěpši film (kako producent) za film Diktator, a nastupnu nominaciju dostal za najlěpši scenarij originalny k filmu Gospodin Verdu (ang.: Monsieur Verdoux). V 1976 Čaplina vključeno v Britansku Akademiju Filmnoj Umětnosti (BAFTA).