Wp/igl/Kwande

Kwande chi Lócàl gometí ka efu Benue State, Nigeria. Ugwẹta ñwu dẹ efu ewo Adikpo.

Kwande nẹ anẹ 2,891 km mañyi uwewe amonẹ 248,697 dabi alu ki akaluka 2006 ka. i nẹ ọmẹ kpai ami LGA ojoji ojoji. Eju ọwọ Olu-ane , i nẹ ọmẹ kpai Vandeikya lokà gometí , Ushongo LGA eju ọwọ Ukpale , kpai Katsina-Ala LGA eju ọwọ Ukpale Olu-ane. Ọwọ Opata, i nẹ ọmẹ kpai Cross River State mañyi eju ọwọ OpataOlu-odudu kpai ojiane amenedudu yí Cameroon. Kwande LGA i ñọ nẹ ọmẹ ka kpai Takum LGA yi Taraba State eju ọwọ Olu odudu. I ni wardu mẹgwẹlu kpai amachòda oguchekpo ugbẹta mẹfa.

Alu ki anẹ ñwu che anẹ ki nẹ uwo mañyi ki che mẹru ami uwo Cameroonian, Kwande Local Government gboji nẹ ẹridọdọ taki jẹñwu ki chugbo ki ñyọ ñwu ami añyaja. Lokà gometí lẹ ñọ n'aji lile ki che ẹñwu kia deju tẹ ukọlọ oko kpai ami ẹñwu ku ma du chẹñwu ekwu.

Ma fu Kwande LGA ñyi ugbọda Katsina Ala díbíson ọjọ ẹkẹta efu ochu ẹkẹji, efu ọdọ 1976 alu ku ma fi lokà gometí ojanẹ chakadu ñwọche efu ọdọ 1976 ki ama agimí gomínetí efu yí owoja Murtala Muhammed che ki chẹñwu ka ki che alu ki ñweju ki d'ukpahu dabi ñwu amẹnẹ utalaka efu ewo. I jẹ ñwu ma fu lokà gometí 301 ñyi wewe ojanẹ kpai uwewe amonẹ ki dẹ agbagba 150,000- 800,000. Ogba ta ki eñọche efu ọdọ 1976 chanẹ, iko lẹ Lócàl gometí kpayi alolo n, ma gbadu fu kwi Lagos. Ta ki a nọlawa, amonẹ ma chi dago ama anubi ka nọlawa ukpahu ñwu chẹ bulọ.

Īko eñwu

Kwande chi lokà gometí Local efu benue state kpai tropical Savannah climate.

postal code anẹ ñwu chi 982002.