Wp/iba/Pengarap Baháʼí

Pengarap Baháʼí
Seat of the Universal House of Justice, governing body of the Baháʼís, in Haifa, Israel
Klasifikasyen	Abrahamic, Iranian
Teks pengarap	Kitáb-i-Aqdas, skrip Baháʼí ke bukai
Teologi	Monotheistic
Menua	Serata dunya
Jaku	Jaku Parsi enggau Jaku Arab
Indu palan	Baháʼí World Centre
Pemungkal	Baháʼu'lláh
Asal	Abad ke-19
Kaban	5–8 juta
Lambar web resmi	bahai.org

Pengarap Baháʼí nya pengarap ti ditumbuhka maya abad ke-19 ti ngajar rega ti beguna bendar ba semua pengarap enggau penyerakup semua mensia. Ditumbuhka Baháʼu’lláh, keterubah iya mansang ba menua Iran enggau sekeda bagi menua Timur Tengah, ke alai iya napi pemerinsa ti majak nyadi kenyau ari iya ditumbuhka. Pengarap tu dipelabaka bisi 5 ngagai 8 juta iku orang ke nitihka pengarap tu, ti ngerembai ba serata kandang menua dunya.

Pengarap Baháʼí ngembuan tiga iku orang ti penting: Báb (1819–1850), dibunuh ketegal bidaah, ti ngajar nabi ti sebaka enggau Jesus enggau Muhammad deka datai enda lama agi; Baháʼu’lláh (1817–1892), ti ngumbai diri nabi nya maya taun 1863 lalu patut napi pengawa dibuai enggau dijil; enggau anak iya, ʻAbdu’l-Bahá (1844–1921), ti ngaga pejalai ngajar ngagai menua Eropa enggau Amerika Serikat sepengudah iya dilepaska ari rumah pasung maya taun 1908. Sepengudah pemati ‘Abdu’l-Bahá maya taun 1921, tuai pengarap nya labuh ngagai uchu iya Shoghi Effendi (1897-1957). Raban Baháʼí ninting taun milih Gempuru Rohani ba siti endur, pelilih menua, enggau menua ti ngatur pengawa pengarap, lalu tiap lima taun pengawa bepilih diatur ungkup Rumah Pengelurus Sedunya, iya nya semilan iku kaban institusyen ti ngatur komuniti Baháʼí serata dunya ti bepalan di Haifa, Israel, semak enggau Kuil Báb.