Wp/iba/Pengada Jesus

Adoration of the Shepherds ari pelukis Belanda Matthias Stomer, 1632

Pengada Jesus bisi didokumentasyenka dalam injil bup kudus Luke enggau Matthew. Dua iti injil nya setuju madahka Jesus ada di Betlehem, di menua Palestin ke dipegai Rome, indai iya, Maria, udah betunang enggau seiku lelaki ke benama Josep, ke peturun Raja David lalu ukai apai kandung iya, lalu pengada iya nyadi ketegal Allah Taala.

Pengada Jesus nyadika pelasar hari besai Kristian iya nya Krismas lalu bejalaika tanggungpengawa ti besai dalam taun liturgi Kristian. Mayuh orang Kristian nitihka tradisyen mandangka pemandang mit ti ngayanka pengada Jesus dalam tauka luar rumah sida, tauka ngulu drama pengada Jesus tauka pekit Krismas ti fokus ngagai putar pengada Jesus dalam Bup Kudus. Pengawa mandangka pengada Jesus ti terang enggau patung ti sebaka pemesai enggau pengidup nyadi tradisyen ba mayuh benua Eropah maya musin Krismas.

Pengayan seni pasal pengada Jesus nyadi subjek ti beguna ngagai artis Kristian kenyau ari abad ke-4. Gambar seni pasal pemandang pengada Jesus kenyau ari abad ke-13 udah ngemeratka pemaruh ati Jesus lalu ngelakuka imej iya ti lebih lembut, ubah ti besai ari imej "Tuhan enggau Guru" ti dulu suba, nyereminka ubah ba chara ti suah diambi pengawa pastoral Kristian maya taun 1990. jeman ti sama.