Wp/iba/Komputer
Komputer nya mesin ti ulih diprogram ti digaga dikena macha sereta bejalaika rintai atur ti ngasuh iya bejalaika operasyen aritmetik enggau logik bepelasarka lumur binari. Ba asas iya, komputer tu bisi memori timpuh pandak enggau memori timpuh panjai dikena nyimpan data; enggau unit proses pusat ti befungsyen nyadi sereta ngundan unit logik aritmetik. Aksesori ulih disambung ngambika komputer ulih nerima input luar lalu mandangka output.
Unit proses komputer bejalaika siri instruksyen ti ngasuh iya macha, manipulasyen lalu udah nya nyimpan data. Uji enggau arahan terjun ngemendarka iya mindah dalam ruang program lalu ketegal nya bejalaika arahan ti bebida nyadi fungsyen penuduk mesin tauka rampa menua iya ke diatu.