Wp/iba/Bumi

Bumi nya planet ketiga ari mata panas sereta semina Bumi aja ke ngembuan utai idup, ngaum mensia enggau bemayuh macham iti jelu enggau utai tanam. Nya ketegal mina Bumi ngembuan ai ba Sistem Solar tu. Nyauka semua ai ba Bumi dibai ba tasik-tasik sedunya, ngelindung 70.8% ari kerak Bumi.

Asil pansik sains, planet tu udah digaga kira-kira 4.54 bilion taun ti udah. Penyauh purata Bumi ari mata panas ianya 149.6 juta kilometer. Lapis udara enggau medan magnet dikumbai magnetosfera ke ngelindung mua Bumi ari angin suria, sinar ultra ti ulih ngemedis, sereta radiasyen ari awak langit. Lapis udara tu nyelitup bumi nyampau peninggi 700 kilometer sereta ke lebihnya dikumbai awak langit. Lapis udara tu dibagi ngagai troposfera, stratosfera, mesosfera, termosfera, enggau eksosfera.